پەسكوۆ: تۇركىلەردىڭ وتانى تۇركيادا ەمەس، رەسەيدە (ۆيدەو)

7495
Adyrna.kz Telegram

رەسەي تۇركيا پرەزيدەنتى رەجەپ تايىپ ەردوعانعا سىيعا تارتىلعان «تۇركى الەمى» كارتاسىنا قاتىستى پىكىر ءبىلدىردى، دەپ حابارلايدى “ادىرنا” ۇلتتىق پورتالى.

- ءبىزدىڭ تۇرىك ارىپتەستەرىمىز تۇركى بىرلىگى يدەياسىن ۇستانادى، بۇل قالىپتى جاعداي. الايدا، مەن وكىنەتىن جالعىز-اق نارسە كارتادا تۇركى الەمىنىڭ ورتالىعىندا ۇلكەن قىزىل جۇلدىز جوق،-دەدى رف پرەزيدەنتىنىڭ ءباسپاسوز حاتشىسى دميتري پەسكوۆ جۋرناليست پاۆەل زارۋبينگە بەرگەن سۇحباتىندا.

پەسكوۆ سونىمەن قاتار تۇركى الەمىنىڭ ورتالىعى رەسەيدە ەكەنىن اتاپ ءوتتى.

- ول (ورتالىق) تۇركيادا ەمەس، رەسەي فەدەراتسياسىنىڭ اۋماعىندا، التايدا، كەز كەلگەن تۇرىك شىققان سول كيەلى مەكەندە. مۇنى مەن تۇركىتانۋشى رەتىندە ايتىپ وتىرمىن، - دەپ مالىمدەدى پەسكوۆ. 

“ادىرنا” ۇلتتىق پورتالى 

پىكىرلەر