الماتى قالاسىنىڭ پوليتسيا دەپارتامەنتى ءۇش بالاسىمەن بىرگە 9-شى قاباتتان سەكىرىپ كەتكەن ايەلدىڭ سوڭعى حاتىن تاپتى، دەپ حابارلايدى "ادىرنا" ۇلتتىق پورتالى.
- حاتتا سىناققا توتەپ بەرە الماي، ومىردەن شارشاعانىن جازعان. ول ەشكىمدى كىنالامايتىنىن، بىراق بۇل ارەكەتىنە كىنالى ادامداردىڭ ءوزى حاباردار ەكەنىن ايتىپ، كەشىرىم سۇراعان، - دەپ مالىمدەدى پوليتسيا.دەرەككوزدىڭ حابارلاۋىنشا، ول ۇل-قىزىن كۇيەۋىمەن بىرگە وسىرگەن. قايعىلى جاعداي بولعان كەزدە 30 جاستاعى كۇيەۋى ۇيىندە بولماعان. ال ءۇيدىڭ ەسىگى ىشىنەن قۇلىپتالىپ تۇرىپتى. پوليتسيا ىشىنە كىرەر كەزدە ەسىكتى بۇزدى. كورشىلەردىڭ سوزىنشە، وتباسى جۇرتپەن بىردەي ءومىر سۇرگەن. ەرلى-زايىپتى كوپشىلىك الدىندا ۇرسىسپاعان.
- ول ۇنەمى بالالارمەن اۋلادا سەرۋەندەپ جۇرەتىن. ونىڭ ەكى قىزى مەن ءبىر ۇلى بولدى. كەنجەسى ءۇش جاستا ەدى. قاراپايىم وتباسى سياقتى كورىنەتىن»، - دەيدى قايعىلى وقيعا بولعان ءۇيدىڭ تۇرعىنى.الماتى قالاسىنىڭ پوليتسيا دەپارتامەنتى تەرگەۋ بارىسىندا جاعدايدىڭ الدىن الا سەبەبىن حابارلادى.
- وتباسىلىق-تۇرمىستىق قارىم-قاتىناس كەزىندە كۇيەۋى ەكەۋى اراسىنداعى جانجال سەبەپ بولعان، - دەلىنگەن پوليتسيا حابارلاماسىندا.
"ادىرنا" ۇلتتىق پورتالى
