Almatyda terezeden sekirgen marqumnyń sońǵy haty tabyldy

8526
Adyrna.kz Telegram

Almaty qalasynyń polıııa departamenti úsh balasymen birge 9-shy qabattan sekirip ketken áıeldiń sońǵy hatyn tapty, dep habarlaıdy "Adyrna" ulttyq portaly.

- Hatta synaqqa tótep bere almaı, ómirden sharshaǵanyn jazǵan. Ol eshkimdi kinálamaıtynyn, biraq bul áreketine kináli adamdardyń ózi habardar ekenin aıtyp, keshirim suraǵan, - dep málimdedi polıııa.

Derekkózdiń habarlaýynsha, ol ul-qyzyn kúıeýimen birge ósirgen. Qaıǵyly jaǵdaı bolǵan kezde 30 jastaǵy kúıeýi úıinde bolmaǵan. Al úıdiń esigi ishinen qulyptalyp turypty. Polıııa ishine kirer kezde esikti buzdy.

Kórshilerdiń sózinshe, otbasy jurtpen birdeı ómir súrgen. Erli-zaıypty kópshilik aldynda ursyspaǵan.

 - Ol únemi balalarmen aýlada serýendep júretin. Onyń eki qyzy men bir uly boldy. Kenjesi úsh jasta edi. Qarapaıym otbasy sııaqty kórinetin», - deıdi qaıǵyly oqıǵa bolǵan úıdiń turǵyny.

Almaty qalasynyń polıııa departamenti tergeý barysynda jaǵdaıdyń aldyn ala sebebin habarlady.

- Otbasylyq-turmystyq qarym-qatynas kezinde kúıeýi ekeýi arasyndaǵy janjal sebep bolǵan, - delingen polıııa habarlamasynda.

Esterińizge sala keteıik, qaıǵyly oqıǵa 22 qarashada Jetisý-1 shaǵyn aýdanyndaǵy kópqabatty úılerdiń birinde shamamen 12:30-da boldy. 28 jastaǵy áıel óziniń úsh balasy – bes jáne alty jasar qyzdary men úsh jasar ulyn toǵyzynshy qabattyń terezesinen laqtyryp jiberdi, sodan keıin ózi de sekirip ketti. Oqıǵa ornynda áıel men eki bala qaıtys boldy. Úshinshi bala jedel járdem kóliginde jan tapsyrdy.

"Adyrna" ulttyq portaly

 

Pikirler