ەلدىڭ شىعىسىنداعى ەكى اۋىلدا CODECO سودىرلارىنىڭ شابۋىلىنان كەيىن 107 ءمايىت تابىلدى. كونگو دەموكراتيالىق رەسپۋبليكاسىنىڭ شىعىسىنداعى ەكى اۋىلدا كونگو دامۋ كووپەراتيۆى (CODECO) توبىنىڭ شابۋىلدارىنان كەيىن 107 ءمايىت تابىلدى. بۇل تۋرالى دۇيسەنبى، 22 قاراشادا Kivu Security Tracker قىزمەتى حابارلادى.
مايىتتەر CODECO شابۋىلدارىنان كەيىن درودرو جانە لارگۋ اۋىلدارىندا، سونداي-اق دجۋگە مەن يتۋري پروۆينتسياسىنىڭ توڭىرەگىندەگى اۋدانداردا تابىلدى.
«قازا بولعانداردىڭ باسىم كوپشىلىگى بەيبىت تۇرعىندار»، - دەيدى ۇيىم.
ەسكە سالايىق، بۇعان دەيىن كونگو وزەنىندە كەمە اپاتقا ۇشىراپ، 50-دەن استام ادام قازا تاپقان بولاتىن. ىزدەستىرۋ-قۇتقارۋ جۇمىستارى جالعاسۋدا، بىراق ءتىرى قالعانداردى تابۋعا دەگەن ءۇمىت ازايىپ بارادى.
سونداي-اق افريكادا بەلگىسىز دەرت 165 بالانىڭ ءومىرىن قيعانى حابارلاندى. تامىز ايىندا بايقالعان بەلگىسىز دەرتتەن كۇنىنە ءتورت بالا قايتىس بولادى. اۋرۋ بەس جاسقا دەيىنگى بالالارعا اسەر ەتەدى.
"ادىرنا" ۇلتتىق پورتالى
