الماتى قالاسى اكىمىنىڭ ورىنباسارى سەرىك قۇسايىنوۆ مەگاپوليس پەن ونىڭ ماڭىنداعى LRT قۇرىلىسىنا ماسەلەسىنە توقتالدى، دەپ حابارلايدى "ادىرنا" ۇلتتىق پورتالى.
قۇسايىنوۆ «الماتى اگلومەراتسياسىنىڭ كولىك ينفراقۇرىلىمىنىڭ جاي-كۇيى مەن دامۋ پەرسپەكتيۆالارى» تاقىرىبىنداعى قوعامدىق تىڭداۋدا كەلەسى جىلى تالعاردىڭ جوعارعى تاس جولى بويىمەن LRT جەلىسىن سالۋ جوسپارلانىپ وتىرعانىن ايتتى. جوبا جەكە ينۆەستور ەسەبىنەن جۇزەگە اسىرىلادى.
الايدا، بۇۇ-نىڭ قازاقستانداعى دامۋ باعدارلاماسىنىڭ «الماتىنىڭ تۇراقتى كولىگى» جوباسىنىڭ جەتەكشىسى ەلەنا ەرزاكوۆيچتىڭ نۇسقاسىنا سايكەس، LRT تولىعىمەن ينۆەستوردىڭ ەسەبىنەن سالىنۋى تۋرالى مالىمدەمەلەر دۇرىس ەمەس.
«Rail Jet جانە Talgar LRT كومپانيالارىنا قاتىستى سۇراقتار كوپ. ءوز قاراجاتىنا ترامۆاي سالامىز دەپ ۋادە بەرىپ جاتىر دەۋ دۇرىس ەمەس. ولار بيۋدجەتتەن قاراجات تالاپ ەتەدى، بىراق سودان كەيىن ءبارى تۇردە، تىكەلەي كەلىسىممەن بولۋى كەرەك. استانا ستسەناريى قايتالانباۋى كەرەك»، - دەدى ەلەنا ەرزاكوۆيچ.
ءوز كەزەگىندە قالا اكىمىنىڭ ورىنباسارى سەرىك قۇسايىنوۆ استانالىق LRT-دەگىدەي وقيعانىڭ قايتالانبايتىنىنا ۋادە بەردى.
«استانا ستسەناريى قايتالانبايدى. قالا اكىمدىگى قارجى بولمەيدى، بۇل مەملەكەتتىك-جەكەمەنشىك ارىپتەستىگىمەن جۇزەگە اسادى. جوبا ىسكە قوسىلعاننان كەيىن بيۋدجەتتەن قارجى بولىنەدى. قولدانىستاعى زاڭدارعا سايكەس، ءبىز بارلىق كاسىپورىندارىمىز سياقتى تاسىمالداۋعا سۋبسيديالار بەرەتىن بولامىز»، - دەدى سەرىك قۇسايىنوۆ.
الماتى قالاسىنىڭ اكىمى باقىتجان ساعىنتاەۆ بۇعان دەيىن قازاقستان ۇكىمەتى LRT جانە مەترو سياقتى ەكى ءىرى جوبانى ءبىر مەزگىلدە قارجىلاندىرا المايتىنىن ايتقان بولاتىن.
«جوبانى باستاماس بۇرىن ونىڭ توقتامايتىنىنا سەنىمدى بولۋىمىز كەرەك ەكەنىن ناقتى ءتۇسىنۋ كەرەك. ءبىز ونى كەز كەلگەن ۋاقىتتا سالا الامىز، بىراق قانداي اقشاعا؟ اياقتالعاننان كەيىن جوبا ميلليارد دوللارعا جۋىقتايدى، بۇل اقشانى ءبىز قالاي قايتارامىز؟ مەن بۇل تۋرالى ۇكىمەتپەن سويلەستىم، ولاردىڭ كوزقاراسى بويىنشا ءبىز مەترو جانە LRT سياقتى ەكى ۇلكەن جوبانى جۇزەگە اسىرا المايمىز. ءبىز LRT قۇرىلىسىنان جارتى جولدا باس تارتا المايمىز، سوندىقتان باستاماس بۇرىن سەنىمدى بولۋىمىز كەرەك. جانە، ەڭ الدىمەن، ماسەلەنى قارجىلاندىرۋدا»، - دەدى اكىم.
"ادىرنا" ۇلتتىق پورتالى
