رەسەيدىڭ كەمەروۆ وبلىسىنداعى «ليستۆياجنايا» شاحتاسىندا ورت سالدارىنان 11 ادام قازا تاپتى، دەپ حابارلايدى «ادىرنا» ءتىلشىسى.
قازىرگى تاڭدا تاعى 36 كەنشى ىزدەستىرىلىپ جاتىر. توتەنشە جاعدايلار قىزمەتىنىڭ حابارلاۋىنشا، جەرگىلىكتى ۋاقىت بويىنشا تاڭعى ساعات 9-دا بەلگىسىز سەبەپتەرمەن شاحتانىڭ جەلدەتكىش قۋاقازىندا كومىر شاڭى جانىپ، ناتيجەسىندە ءتۇتىن پايدا بولعان. جەر استىندا بولعان 285 كەنشىنىڭ 235-تەن استامى سىرتقا شىعىپ ۇلگەرگەن.
رەسەي تجم كەمەروۆو وبلىسىنا دارىگەرلەر، پسيحولوگتار جانە جۇمىس توبى بار ۇشاق جىبەردى. تجم باسشىسىنىڭ مىندەتىن ۋاقىتشا اتقارۋشى الەكساندر چۋپرياننىڭ ايتۋىنشا، تج ورنىنان 44 شاحتەر اۋرۋحاناعا جاتقىزىلعان، ولاردىڭ تورتەۋى اۋىر حالدە.
ايتا كەتەيىك، تەرگەۋ كوميتەتى "قاۋىپتى وندىرىستىك نىسانداردىڭ ونەركاسىپتىك قاۋىپسىزدىك تالاپتارىن بۇزىپ، ابايسىزدا ادام ولىمىنە اكەپ سوقتىردى" دەگەن كۇدىكپەن قىلمىستىق ءىس قوزعادى.
«ادىرنا» ۇلتتىق پورتالى
