اۆستريادا لينتس قالاسىنىڭ سوتى قاتەلەسىپ ناۋقاستىڭ ساۋ اياعىن كەسىپ تاستاعان حيرۋرگكە 2700 ەۋرو ايىپپۇل سالدى، دەپ حابارلايدى "ادىرنا" ۇلتتىق پورتالى "ۆۆس-گە" سىلتەمە جاساپ.
سونىمەن قاتار سوتقا دەيىن كوز جۇمعان ناۋقاستىڭ جەسىرىنە 5 مىڭ ەۋرو كولەمىندە وتەماقى تاعايىندالعان.
82 جاستاعى ەر ادام (اتى-ءجونى، سونداي-اق حيرۋرگتىڭ اتى-ءجونى جاريالانبادى) وسى جىلدىڭ مامىر ايىندا فرايشتادت اۋرۋحاناسىنا تۇسكەن. ونىڭ سول اياعى كەسىلۋى ءتيىس بولاتىن، بىراق حيرۋرگ نەگە ەكەنى بەلگىسىز وڭ اياعىنا وتا جاساعان. قاتەلىك ەكى كۇننەن كەيىن اياقتى تاڭۋ كەزىندە عانا انىقتالىپ، ناۋقاسقا تاعى دا امپۋتاتسيا جاسالاتىندىعى ايتىلعان.
بۇل كەلەڭسىز جاعداي سوتقا دەيىن بارعان. وندا حيرۋرگ نەلىكتەن سول اياقتىڭ ورنىنا وڭ اياعىن كەسۋ ءۇشىن بەلگى قويعانىن سۇراعاندا، ول "بىلمەيمىن" دەپ جاۋاپ بەرگەن. ودان كەيىن حيرۋرگ باسقا ەمحاناعا اۋىستىرىلىپ، ايىپپۇلدىڭ جارتىسىن تولەۋ كەيىنگە قالدىرىلعان.
"ادىرنا" ۇلتتىق پورتالى.
