تالدىقورعان قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىندە تۇڭعىش پرەزيدەنت كۇنىنە ارنالعان «ۇلى دالا مۇراگەرلەرى» اتتى دومبىراشىلاردىڭ فلەشموبى ءوتتى.
بۇل فلەشموب نازارباەۆ زياتكەرلىك مەكتەپتەرى جەلىسىندە جىل سايىن وتكىزىلەدى. تالدىقورعاندىق نزم دومبىراشىلارى ءداستۇردى ونلاين رەجيمدە جالعاستىرۋدا.
نازارباەۆ زياتكەرلىك مەكتەپتەرىندە تۇڭعىش پرەزيدەنت كۇنىن مەرەكەلەۋ «ۇلى دالا مۇراگەرلەرى» دومبىراشىلاردىڭ فلەشموبىمەن باستالدى. بۇگىن بارلىق نزم-دە قازاق كومپوزيتورلارىنىڭ كۇيلەرى ءبىر مەزگىلدە شىرقالدى. نزم تالدىقورعان دومبىرا وركەسترى قۇرمانعازى ساعىربايۇلىنىڭ ايگىلى «اداي»، «بالبىراۋىن» كۇيلەرى مەن «كەڭەس» حالىق كۇيىن ورىندادى.
كۇيلەردىڭ ءۇنى مەن اۋەندەرى ارقىلى مادەني قۇندىلىقتارىمىز، سالت-ءداستۇرىمىز، باتىرلىق اڭىز-اڭگىمەلەرىمىز ۇرپاقتان-ۇرپاققا جالعاسىپ كەلەدى... قازاق دومبىرانى قۇرمەتتى ورىندا ۇستاعان، كۇيشىلەر قۇرمەتتى قوناق بولعان. بۇل يگى ءىس بۇگىندە جالعاسىن تابۋدا»، - دەيدى زياتكەرلىك مەكتەپتىڭ ۇستاز-كۋراتور-ۇيىمداستىرۋشىسى جانار ورازباەۆا.
