قالا اۋماعىندا 25 قاراشا ايەلدەرگە قاتىستى زورلىق-زومبىلىقتى جويۋدىڭ حالىقارالىق كۇنى اياسىندا «زورلىق-زومبىلىقسىز 16 كۇن» رەسپۋبليكالىق اكتسياسى وتۋدە.
زورلىق-زومبىلىقتى جويۋ، انا مەن بالانى قورعاۋ، قوعامداعى وتباسى ءرولىن نىعايتۋ ماقساتىندا 25 قاراشا مەن 10 جەلتوقسان كۇندەرى ارالىعىندا ارنايى ءىس-شارالار جوسپارى بەكىتىلىپ، ءتيىستى جۇمىستار جۇرگىزىلۋدە.
اكتسيا اياسىندا شىمكەنت قالالىق جۇمىسپەن قامتۋ جانە الەۋمەتتىك قورعاۋ باسقارماسىنا قاراستى №3 ارناۋلى الەۋمەتتىك قىزمەتتەر كورسەتۋ ورتالىعىنىڭ ماماندارى قالا تۇرعىندارى مەن قۇقىق قورعاۋ قىزمەتكەرلەرى اراسىندا پروفيلاكتيكالىق تۇسىندىرمە جۇمىستارىن جۇرگىزدى.
سونىمەن قاتار، ورتالىق ماماندارى تۇرمىستىق زورلىق - زومبىلىققا ۇشىراعان نەمەسە كۋا بولعان جاعدايدا 45-03-03 سەنىم جانە 8-775-450-54-33 ىستىق جەلى نومىرلەرىنە حابارلاسۋعا بولاتىندىعى تۋرالى ارنايى (750 دانا) اقپاراتتىق پاراقشالار تاراتتى.
اتالعان الەۋمەتتىك قىزمەتتەر كورسەتۋ ورتالىعى تۇرمىستىق زورلىق-زومبىلىققا ۇشىراعان جاندارعا تۇرمىستىق، پسيحولوگيالىق، قۇقىقتىق، مەديتسينالىق، مادەني، پەداگوگيكالىق، ەڭبەك جانە ەكونوميكالىق باعىتتا ارناۋلى الەۋمەتتىك قىزمەتتەر كورسەتەدى. قازىرگى ۋاقىتتا ورتالىقتا قىزمەت الۋشىلار سانى – 30, ونىڭ ىشىندە 6-ى انالار بولسا، 24-ءى بالالار.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
