«بىلىمدەگى ولقىلىقتاردى جويۋ جانە ولاردىڭ ورنىن تولتىرۋ ماسەلەسى بويىنشا پەداگوگتەردى ادىستەمەلىك جاعىنان قولداۋ» تاقىرىبىندا شىمكەنت قالاسى ادىستەمەلىك ورتالىعىنا قاراستى "ULAGAT" قاۋىمداستىعىنىڭ جۇمىس جوسپارىنا سايكەس، ءال-فارابي اتىنداعى №113 جالپى ورتا ءبىلىم بەرەتىن مەكتەبىنىڭ بازاسىندا وزبەك ءتىلى مەن ادەبيەتى ءپانى قاۋىمداستىعىنىڭ ءبىلىم الۋشىلاردىڭ بىلىمىندەگى ولقىلىقتاردىڭ ورنىن تولىقتىرۋ ارقىلى وقۋ ساپاسىن ارتتىرۋ ماقساتىندا قالالىق تاجىريبەلىك سەمينار بولىپ ءوتتى.
شىمكەنت قالاسى ادىستەمەلىك ورتالىقتىڭ ديرەكتورى، ف.ع.كانديداتى م.ا.مەدەتبەكوۆا العى سوزىندە وقۋ مەن وقىتۋ جۇيەسىن جۇيەلى جۇرگىزۋدىڭ ناقتى قادامدارىن، ءارى پەداگوگتەردىڭ ءبىلىم ساپاسىن ارتتىرۋعا ۇلكەن جاۋاپكەرشىلىكپەن قاراۋ كەرەك ەكەنىن ايتتى.
قالالىق وقىتۋ سەمينارىنىڭ پەداگوگتەر ءۇشىن ماڭىزدىلىعىن، ءوزارا تاجىريبە الماسۋ الاڭىندا باستى قىزمەت اتقاراتىندىعىن شىمكەنت قالاسى ادىستەمەلىك ورتالىقتىڭ ءبولىم باسشىسى، "ULAGAT" قاۋىمداستىعىنىڭ توراعاسى ج.ب.ۋتەسينوۆا ناقتىلاپ اتاپ ءوتتى.
سەميناردىڭ ەكىنشى – پراكتيكالىق بولىمىندە ءال-فارابي اتىنداعى №113 جالپى ورتا ءبىلىم بەرەتىن مەكتەبىنىڭ وزبەك ءتىلى مەن ادەبيەتى ءپانى مۇعالىمدەرى حۋدايبەرگانوۆا لولاحون، حاكيموۆا س. جانە باستاۋىش سىنىپ مۇعالىمدەرى سايديگانيەۆا ۋ. تادجيباەۆا گ. ساباق بارىسىندا وقۋشىلاردىڭ بىلىمىندەگى ولقىلىقتاردىڭ ورنىن تولىقتىرۋ جولدارىن كورسەتتى.
سەمينار سوڭىندا پەداگوگتەر ءوزارا پىكىر الماسىپ، ءبىلىم الۋشىلاردىڭ بىلىمىندەگى ولقىلىقتاردىڭ ورنىن تولىقتىرۋ جولدارىن تالقىلادى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
