شىمكەنتتەگى ى.التىنسارين اتىنداعى №65 مەكتەپ-گيمنازيا وقۋشىلارى قر سۋرەتشىلەر وداعىنىڭ مۇشەسى سەرىكباي جورابەكوۆپەن كەزدەستى.
تاۋەلسىزدىكتىڭ 30 جىلدىعى قارساڭىندا ۇيىمداستىرىلعان كەزدەسۋدە، سۋرەتشىنىڭ ونەرىمەن تانىسقان وقۋشىلار مەن ۇستازدار كوكەيلەرىندە جۇرگەن سۇراقتارىن قويىپ، پىكىر ءبولىستى.
تالانت تۋىلا بىتكەنمەن، ونىڭ تولىسىپ، ءوسىپ-وركەندەۋى ادام جۇرەگىندە جاتقان ءبىر سيقىر. ونى جارىققا شىعاراتىن قۇدىرەت ول – ونەر. سەرىكباي قۇلىشۇلى بىرنەشە جىلدىق ەڭبەك جولىنداعى قۇندى تۋىندىلارىن وزىمەن بىرگە الا كەلگەن. ءار شىعارماسىندا ۇلكەن ءمان بار. ەڭبەكتەرى جان-جاقتى جانردى قامتىعان. ءار شىعارماسى تاريحپەن بايلانىسقان، شىنايى كوركەمدىگىمەن كوز تارتادى.
سەرىكباي قۇلىشۇلى مەكتەپ وقۋشىلارىنا شەبەرلىك ساباعىن وتكىزدى. تاماشا تۋىندى بەينەلەۋدىڭ قىر-سىرىن، سۋرەتشىگە ءتان قاسيەتتەردى، قاراپايىم قارىنداشتى ۇستاۋدىڭ وزىندىك ءادىسىن، سۋ بوياۋىنىڭ ماعىنالى سۋرەت شىعارۋداعى ورنىن ءتۇسىندىردى. ناتيۋرمورت سالىپ، جەكە تاجىريبەسىمەن ءبولىستى.
