شىمكەنتتە 25 قاراشا – 10 جەلتوقسان ارالىعىندا «زورلىق – زومبىلىقسىز 16 – كۇن» اكتسياسى وتىلۋدە. شىمكەنت قالالىق جۇمىسپەن قامتۋ جانە الەۋمەتتىك قورعاۋ باسقارماسىنا قاراستى №3 ارناۋلى الەۋمەتتىك قىزمەتتەر كورسەتۋ ورتالىعى اكتسيا اياسىندا پروفيلاكتيكالىق تۇسىندىرمە جۇمىستارى جۇرگىزىلدى
اكتسيانىڭ نەگىزگى ماقساتى - زورلىق-زومبىلىقتىڭ جولىن كەسۋ، انا مەن بالانى قورعاۋعا، قوعامداعى وتباسىنىڭ ءرولىن كۇشەيتۋگە باعىتتالعان. وسىعان بايلانىستى بىرقاتار ءىس-شارالار ۇيىمداستىرىلدى.
ايتا كەتەيىك، №3 ارناۋلى الەۋمەتتىك قىزمەتتەر كورسەتۋ ورتالىعى تۇرمىستىق زورلىق-زومبىلىققا ۇشىراعان جاندارعا تۇرمىستىق، پسيحولوگيالىق، قۇقىقتىق، مەديتسينالىق، مادەني، پەداگوگيكالىق، ەڭبەك جانە ەكونوميكالىق سەكىلدى 8 ءتۇرلى ارناۋلى الەۋمەتتىك قىزمەتتەر كورسەتەدى جانە ورتالىقتا قىزمەت الۋشىلار سانى – 30, ونىڭ ىشىندە 6-انالار، 24- بالالار بار.
«زورلىق – زومبىلىقسىز 16 كۇن اكتسياسى» اياسىندا تۇرعىندارعا قاجەتتى مالىمەتتەر قامتىلعان بۋكلەتتەر مەن 750 دانا كىتاپشالار تاراتىلدى.
جوسپارعا سايكەس شىمكەنت قالاسى اباي، ءال فارابي، ەڭبەكشى، قاراتاۋ اۋداندارى پوليتسيا باسقارماسىنىڭ ۋچاسكەلىك پوليتسيا ينسپەكتورلارىنا ورتالىقتا ارناۋلى الەۋمەتتىك قىزمەت تۇرلەرىن كورسەتەتىنى تۋرالى تۇسىندىرمە جۇمىستارى جۇرگىزىلدى. سونىمەن قاتار تۇرمىستىق زورلىق - زومبىلىققا ۇشىراعان نەمەسە كۋا بولعان جاعدايدا 45-03-03 سەنىم جانە 8-775-450-54-33 ىستىق جەلى نومىرلەرىنە حابارلاسۋعا بولادى.
