شىمكەنتتە ەلىمىزدەگى تۇڭعىش رەت قازاق ءتىلىن وقىتۋ ورتالىعى اشىلعان بولاتىن. ورتالىق جايىندا كوپشىلىك ناقتى بىلمەۋى مۇمكىن. وقىرماندارعا كەڭىرەك تانىستىرۋدى ءجون كوردىك.
شىمكەنت قالالىق تىلدەردى وقىتۋ-ادىستەمەلىك ورتالىعى قر تۇڭعىش پرەزيدەنتى ن.نازارباەۆتىڭ 1996 جىلعى 4 قاراشاداعى №3186 وكىمىمەن ماقۇلدانىپ «قازاقستان رەسپۋبليكاسى ءتىل ساياساتىنىڭ تۇجىرىمداماسىن» ىسكە اسىرۋ ماقساتىندا شىمكەنت قالاسى اكىمىنىڭ 1997 جىلعى 31 قاڭتارداعى №152 شەشىمىمەن «مەملەكەتتىك ءتىلدى مىندەتتى جانە اقىسىز وقىتۋ ورتالىعى» رەتىندە قىزمەتىن باستادى.
ورتالىقتا قر پرەمەر-ءمينيسترىنىڭ 2018 جىلعى 13 ناۋرىزداعى №27-ءو وكىمىمەن بەكىتىلگەن «قازاق ءتىلى ءالىپبيىن لاتىن گرافيكاسىنا 2025 جىلعا دەيىن كەزەڭ-كەزەڭىمەن كوشىرۋ» ءىس-شارالارى، «قازاقستان رەسپۋبليكاسىنداعى ءتىل ساياساتىن ىسكە اسىرۋدىڭ 2020-2025 جىلدارعا ارنالعان مەملەكەتتىك باعدارلاماسىنا» سايكەس جوسپارلى ينديكاتورلاردى ورىنداۋ ماقساتىندا جۇمىستار جۇرگىزىلۋدە.
مەكەمەنىڭ نەگىزگى جۇمىس باعىتتارىنا توقتالىپ وتسەك. تىلدەردى وقىتۋ-ادىستەمەلىك ورتالىعىندا بۇگىندە مەملەكەتتىك جانە مەملەكەتتىك ەمەس مەكەمەلەر، كاسىپورىندار مەن باسقا ۇيىمدار قىزمەتكەرلەرىنە، سونىمەن قاتار جەكە تۇلعالارعا قازاق، ورىس جانە اعىلشىن تىلدەرىن وقىتۋ; «مەملەكەتتىك تىلدە ءىس-قاعاز جۇرگىزۋ»، «لاتىن گرافيكاسىن وقىتۋ»، كۋرستارى مەن ناسيحاتتاۋ شارالارىن ۇيىمداستىرۋ; ءتىل ۇيرەنۋشىلەردىڭ تىلدەردى بەلگىلى ءبىر دەڭگەيدە قيىندىقسىز مەڭگەرۋ ءۇشىن قاجەتتى وقۋلىقتار، وقۋ-ادىستەمەلىك جانە كومەكشى وقۋ قۇرالدارى مەن سوزدىكتەر ازىرلەپ، باسپادان شىعارىپ، قامتاماسىز ەتۋ جۇمىستارى اتقارىلۋدا.
سونداي-اق، مەملەكەتتىك ءتىلدىڭ قولدانىلۋ اياسىن كەڭەيتۋ، ونىڭ ماڭىزى مەن مارتەبەسىن كوتەرۋ، ءتىل مادەنيەتىن كوتەرۋ ماقساتىندا ءتۇرلى ءىس-شارالار، سەمينار-كەڭەستەر، عىلىمي-پراكتيكالىق كونفەرەنتسيا، اقپاراتتىق ساعاتتار مەن بايقاۋلار ۇيىمداستىرىلادى.
بۇگىندە ورتالىق قىزمەتكەرلەرىنىڭ قاجىرلى ەڭبەگىنىڭ ارقاسىندا ءتىل ۇيرەنۋشىلەر رەسپۋبليكالىق بايقاۋلارعا قاتىسىپ، كوپتەگەن جۇلدەلى ورىندارعا يە بولىپ، ورتالىقتىڭ مارتەبەسىن كوتەرۋدە.
