Şymkentte elımızdegı tūŋǧyş ret qazaq tılın oqytu ortalyǧy aşylǧan bolatyn. Ortalyq jaiynda köpşılık naqty bılmeuı mümkın. Oqyrmandarǧa keŋırek tanystyrudy jön kördık.
Şymkent qalalyq tılderdı oqytu-ädıstemelık ortalyǧy QR Tūŋǧyş Prezidentı N.Nazarbaevtyŋ 1996 jylǧy 4 qaraşadaǧy №3186 Ökımımen maqūldanyp «Qazaqstan Respublikasy Tıl saiasatynyŋ tūjyrymdamasyn» ıske asyru maqsatynda Şymkent qalasy äkımınıŋ 1997 jylǧy 31 qaŋtardaǧy №152 şeşımımen «Memlekettık tıldı mındettı jäne aqysyz oqytu ortalyǧy» retınde qyzmetın bastady.
Ortalyqta QR Premer-Ministrınıŋ 2018 jylǧy 13 nauryzdaǧy №27-Ö ökımımen bekıtılgen «Qazaq tılı älıpbiın latyn grafikasyna 2025 jylǧa deiın kezeŋ-kezeŋımen köşıru» ıs-şaralary, «Qazaqstan Respublikasyndaǧy tıl saiasatyn ıske asyrudyŋ 2020-2025 jyldarǧa arnalǧan memlekettık baǧdarlamasyna» säikes josparly indikatorlardy oryndau maqsatynda jūmystar jürgızılude.
Mekemenıŋ negızgı jūmys baǧyttaryna toqtalyp ötsek. Tılderdı oqytu-ädıstemelık ortalyǧynda bügınde memlekettık jäne memlekettık emes mekemeler, käsıporyndar men basqa ūiymdar qyzmetkerlerıne, sonymen qatar jeke tūlǧalarǧa qazaq, orys jäne aǧylşyn tılderın oqytu; «Memlekettık tılde ıs-qaǧaz jürgızu», «Latyn grafikasyn oqytu», kurstary men nasihattau şaralaryn ūiymdastyru; Tıl üirenuşılerdıŋ tılderdı belgılı bır deŋgeide qiyndyqsyz meŋgeru üşın qajettı oqulyqtar, oqu-ädıstemelık jäne kömekşı oqu qūraldary men sözdıkter äzırlep, baspadan şyǧaryp, qamtamasyz etu jūmystary atqaryluda.
Sondai-aq, memlekettık tıldıŋ qoldanylu aiasyn keŋeitu, onyŋ maŋyzy men märtebesın köteru, tıl mädenietın köteru maqsatynda türlı ıs-şaralar, seminar-keŋester, ǧylymi-praktikalyq konferensiia, aqparattyq saǧattar men baiqaular ūiymdastyrylady.
Bügınde ortalyq qyzmetkerlerınıŋ qajyrly eŋbegınıŋ arqasynda tıl üirenuşıler respublikalyq baiqaularǧa qatysyp, köptegen jüldelı oryndarǧa ie bolyp, ortalyqtyŋ märtebesın köterude.
