شىمكەنت قالاسىندا سپورتتىق ينفاقۇرىلىمدى دامىتۋ، سپورت مەكتەپتەرىن وڭتايلاندىرۋ باعىتىندا جۇيەلى جۇمىستار جۇرگىزىلۋدە. بيىل قاڭتار ايىندا قالا اكىمىنىڭ قاۋلىسىنا سايكەس، № 3 سپورت مەكتەبى ل.تاجيەۆا اتىنداعى №4 وليمپيادا رەزەرۆىنىڭ مامانداندىرىلعان بالالار-جاسوسپىرىمدەر سپورت مەكتەبىنە قوسىلدى.
جۇمىسى قايتا ۇيىمداستىرىلعان سپورت مەكتەبىنە بۇگىندە الەمدىك دەڭگەيدەگى تورەشى باقىتجان جاقسىقۇلوۆ جەتەكشىلىك ەتەدى. بىلىكتى مامانعا زور سەنىم ارتىلىپ وتىر.
– بۇرىن ەكى مەكتەپتە دە ۇقساس سپورت تۇرلەرى جۇمىس ىستەدى. بىرىكتىرۋدىڭ ناتيجەسىندە قازىرگى ۋاقىتتا سپورتتىڭ 9 ءتۇرىن دامىتۋ مىندەتى جۇكتەلىپ وتىر. جالپى 14 سپورت ءتۇرىنىڭ 5-ءى وڭتايلاندىرۋ جۇيەسىمەن باسقا مەكتەپتەرگە ءوتتى. ەندى وقۋ-جاتتىعۋ بازالارىن قايتا جاڭعىرتۋ، بىلىكتى مامانداردى تارتۋ بويىنشا جۇمىس اتقارۋىمىز كەرەك. وليمپيادا ويىندارى، الەم چەمپيوناتتارىندا تورەشىلىك ەتكەن كەزىمدە، سول ەلدەردىڭ سپورتتىق بازاسىمەن تانىسىپ، جاتتىعۋ تاسىلدەرىن، وقۋ پروتسەستەرىن ءاردايىم باقىلاپ ءجۇردىم. ەندى بىزگە دە جۇمىستى جاڭاشا ۇيىمداستىرىپ، سپورتتىق بازالاردى جاڭعىرتۋ، ناتيجەلەردى ودان ءارى جاقسارتۋ باعىتىندا جۇمىس ىستەۋىمىز قاجەت، – دەيدى باقىتجان ەرجانۇلى.
سپورت مەكتەبىنىڭ وقۋ-جاتتىعۋ بازالارىن زامان تالابىنا ساي جاڭعىرتۋ باستى نازاردا تۇر. قازىرگى تاڭدا مەكتەپكە تيەسىلى ءۇش جاتتىعۋ بازاسى بار. ءجۇزۋ جانە ترياتلون بازاسى 1965 جىلى سالىنعان. وندا مەديتسينا كابينەتى، جاتتىقتىرۋشىلار بولمەسى، كيىم اۋىستىرۋ، ترەناجەر زالىن جاڭعىرتۋ ۋاقىت كۇتتىرمەيدى. جاڭا اكىمشىلىك كورپۋس سالۋ دا جوسپاردا.
وقۋ-جاتتىعۋ بازالارىن زاماناۋي ۇلگىدە جاڭارتۋ باعىتىندا جۇمىس جوسپارلارى جاسالۋدا.
تاريحى تەرەڭ مەكتەپتىڭ جەڭىستى ءداستۇرى ۇزىلمەۋى ءتيىس. باقىتجان ەرجانۇلى 2013 جىلدان بەرى №4 سپورت مەكتەبىنە باسشىلىق ەتەدى. ەندى بىلىكتى مامانعا زامان تالابىنا ساي وڭتايلاندىرىلعان مەكتەپتىڭ جۇمىسىن جۇيەلەۋ، جوعارى سپورت شەبەرلەرىن دايارلاۋدا تاعى ءبىر جاۋاپكەرشىلىك جۇكتەلىپ وتىر.
شىمكەنت قالاسى اكىمدىگىنىڭ ءباسپاسوز قىزمەتى
