قر تاۋەلسىزدىگىنىڭ 30 جىلدىعىنا وراي، شىمكەنت قالاسىنىڭ گيپەرباريالىق وتتەكتەۋ ورتالىعىنىڭ باس دارىگەرى مادينا ەرماعانبەتوۆا الەۋمەتتىك جاعدايى تومەن وتباسىلار مەن بالالار ءۇيىنىڭ تاربيەلەنۋشىلەرىنە ارناپ «جۇرەكتەن-جۇرەككە» قايىرىمدىلىق اكتسياسىن وتكىزدى.
مەرەكەلىك داستارحانعا ءۇي جاعدايىندا ءبىلىم الاتىن مۇمكىندىگى شەكتەۋلى بالالارمەن قوسا، اتا-انالار دا قوناق بولدى. سونداي-اق، مەديتسينا قىزمەتكەرلەرى جەتكىنشەكتەرگە مەرەكەلىك داستارحان جايىپ، اتا-انالارىنا ازىق-تۇلىك سەبەتتەرىن تاراتتى.
-بالالارىمىزعا قامقورلىق كورسەتىپ، ولاردىڭ بويىنا مەيىرىمدىلىك، قايىرىمدىلىق ۇعىمدارىن قالىپتاستىرعىمىز كەلدى. جەتكىنشەكتەردى كىشىپەيىلدىلىككە، باۋىرمالدىققا باۋلۋعا ۇلەس قوسۋدى ماقسات تۇتتىق،- دەيدى مادينا ەرماعانبەتوۆا.
جالپى قايىرىمدىلىق شاراسىنا 100-گە جۋىق بالا قاتىستى. ولاردىڭ بارلىعىنا ءتۇرلى سىيلىقتار تارتۋ ەتىلدى. كەش بارىسىندا بالالار تەاتر قويىلىمدارىن تاماشالاپ، بي بيلەپ، ءان ايتتى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
