شىمكەنت قالالىق ءبىلىم باسقارماسىنا قاراستى ءجۇز وتىز بەسىنشى جالپى ورتا مەكتەبىندە تاۋەلسىزدىكتىڭ 30 جىلدىعىنا وراي «تاۋەلسىزدىك ءۇشىن تەر توككەندەر» تاقىرىبىندا پاتريوتتىق قوزعالىس «جەلتوقسان اقيقاتى» رەسپۋبليكالىق قوعامدىق بىرلەستىگىنىڭ شىمكەنت فيليالى توراعاسىنىڭ ورىنباسارى وسپانوۆا گۇلميرا بولاتقىزىمەن كەزدەسۋ ءوتتى.
— تاۋەلسىزدىك — ەڭ باستى قۇندىلىعىمىز. بۇل كۇنگە سان عاسىر بويى ارمانداپ جەتتىك. تاۋەلسىزدىككە قان توگىسسىز، بەيبىت تۇردە قول جەتكىزىپ، ەلىمىزدى الەمنىڭ وركەنيەتتى مەملەكەتتەرىنىڭ قاتارىنا قوستىق. 30 جىل ىشىندە تاۋەلسىز قازاق ەلىن قالىپتاستىرىپ، نارىقتىڭ قيىن وتكەلەكتەرىنەن امان وتكىزىپ كەلەمىز.
بارشا قازاقستاندىقتار ءۇشىن تاۋەلسىزدىكتىڭ ءمانى دە، ماڭىزى دا ايرىقشا. ويتكەنى ءبىز تاۋەلسىزدىكتىڭ ارقاسىندا تاريحىمىزدى تۇگەندەپ، ءتىلىمىزدى، ءدىنىمىزدى جانە ءدىلىمىزدى قايتا ورالتتىق. مەملەكەتىمىزدىڭ ۇلتتىق رامىزدەرى قابىلدانىپ، ۇلتتىق سالت-ءداستۇرىمىزدى جانداندىردىق. وسى رەتتە تۇڭعىش پرەزيدەنت-ەلباسى ن.نازارباەۆتىڭ ەڭبەگىن ايرىقشا اتاپ وتكەن ءجون، — دەدى گ. بولاتقىزى. سونىمەن قاتار تاۋەلسىزدىككە ۇلەس قوسقان ايتۋلى ازاماتتاردى تىلگە تيەك ەتتى.
مەكتەپ ۇجىمى كەش قوناعىنا ءوز ريزاشىلىقتارىن ءبىلدىرىپ، ەستەلىككە سۋرەتكە ءتۇستى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز