الەۋمەتتىك قىزمەتكەرلەرگە قۇرمەت كورسەتىلدى

شىمكەنت قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ «№2 ارناۋلى الەۋمەتتىك قىزمەتتەر كورسەتۋ ورتالىعى» كمم-دە (بۇدان ءارى — ورتالىق) باستاۋىش كاسىپوداق ۇيىمىنىڭ ۇيىمداستىرۋىمەن «16 جەلتوقسان – قازاقستان رەسپۋبليكاسىنىڭ تاۋەلسىزدىك كۇنى» مەرەكەسىنە وراي، «تاۋەلسىزدىك تىرەگىم» اتتى ءىس-شاراسى وتكىزىلدى.
اتالعان ورتالىقتا «قىزمەت» سالالىق كاسىپوداعىنىڭ قۇرامىنا كىرەتىن باستاۋىش كاسىپوداق ۇيىمى جۇمىس جاسايدى. سونىمەن قاتار، كاسىپوداق كوميتەتىنىڭ توراعاسى اۋىسىپ، جاڭادان كاسىپوداق توراعاسى بولىپ ەڭبەك تەراپياسى نۇسقاۋشىسى اسقار ۋسەنباەۆ ورتالىق ۇجىمىنىڭ كەلىسىلگەن داۋىسىمەن سايلانعان. ورتالىقتاعى كاسىپوداق مۇشەلەرىنىڭ جالپى سانى 140 ادامعا جۋىق.
ءىس-شاراداعى العى ءسوزدى ورتالىق ديرەكتورىنىڭ مىندەتىن ۋاقىتشا اتقارۋشى، جاڭادان تاعايىندالعان ديرەكتوردىڭ اكىمشىلىك شارۋاشىلىق جونىندەگى ورىنباسارى تۇرلىبەكوۆ كوپجان تاستانۇلى اشتى. ۇجىم مۇشەلەرىن قۇتتىقتاۋ ءۇشىن كەلەسى ءسوز «قىزمەت» مەملەكەتتىك، بانك مەكەمەلەرى جانە قوعامدىق قىزمەت كورسەتۋ قىزمەتكەرلەرىنىڭ سالالىق كاسىپوداعى» قوعامدىق بىرلەستىگى شىمكەنت قالالىق فيليالىنىڭ توراعاسى اۋەسحانوۆ سەرىك ەلەمەسۇلىنا بەرىلدى.
فيليال توراعاسى سەرىك ەلەمەسۇلى «تاۋەلسىزدىك جىلدارىنداعى» ەلىمىزدىڭ جەتكەن جەتىستىكتەرىنە توقتالا ءوتىپ، وعان وزىندىك ۇلەس قوسىپ، كاسىپوداق بەلسەندىلەرى بولىپ جۇرگەن ورتالىقتىڭ بىرقاتار الەۋمەتتىك قىزمەتكەرلەرىنە فيليال ناگرادالارىن تابىستادى.
اتاپ ايتقاندا، ورتالىقتىڭ ەمدىك-دەنە شىنىقتىرۋ نۇسقاۋشىسى توقۋشوۆا سالتانات ساعيدۋللاقىزى، شارۋا بيكەسى ودۋدەنكو تاتيانا پاۆلوۆنا، دارىگەر-پسيحياترى ايتميرزاەۆا گۇلميرا توعىسبايقىزى «قۇرمەت گراموتالارىمەن» جانە ورتالىقتىڭ سانيتار-تازالاۋشىسى سەرىكباەۆا ۇلبيكە ابدىكارىمقىزى، ەڭبەك تەراپياسى نۇسقاۋشىسى رۇستەموۆ ادنابەك تىللابەكۇلى، مەدبيكەسى جولىمبەكوۆا عاليا ماحسۇتقىزى العىس حاتتارمەن ماراپاتتالدى.