تاۋەلسىزدىكتىڭ 30 جىلدىعى مەن جەلتوقسان وقيعاسىنىڭ 35 جىلدىعى اياسىندا الماتىدا «جەلتوقسان – ەل تاۋەلسىزدىگىنىڭ باستاۋى» دەرەكتى ءفيلمىنىڭ تۇساۋكەسەرى ءوتتى، دەپ حابارلايدى قازاقپارات.
دەرەكتى فيلمدە 1986 جىلى جەلتوقسان وقيعاسىنا قاتىسۋشىلاردىڭ تاعدىرى بايان ەتىلەدى. مۇندا كورەرمەنگە بىرەگەي ارحيۆتىك كادرلار، ەكسكليۋزيۆتى سۇحباتتار ۇسىنىلعان، ەلدىڭ ساياسي جاڭارۋ پروتسەسى قاراپايىم ءارى تۇسىنىكتى تىلدە ايتىلادى.
جازۋشى، قازاقستان جازۋشىلار وداعى توراعاسىنىڭ ورىنباسارى مەرەكە قۇلكەنوۆ دەرەكتى ءفيلمنىڭ ماڭىزدىلىعىن اتاپ ءوتتى.
«فيلم وتە جاقسى، شىن مانىندە دەرەكتى بولىپ شىقتى. مۇراعاتتىق قۇجاتتار، حرونيكا، جەلتوقسان وقيعاسىنىڭ كۋاگەرلەرى مەن قاتىسۋشىلاردىڭ اڭگىمەلەرى پايدالانىلدى. الماتى اكىمدىگىنىڭ قولداۋىمەن جەلتوقسانشىلاردىڭ تاريحى مەن ءرولىن وبەكتيۆتى باعالاۋ ءۇشىن تاعى ءبىر ماڭىزدى قادام جاسالدى»، - دەدى جازۋشى.ءفيلمنىڭ پرەمەرالىق كورسەتىلىمىنە جەلتوقسان ۇيىمىنىڭ وكىلدەرى شاقىرىلدى. ولاردىڭ قاتارىندا نۇرلىبەك قۋانباەۆ، گۇلباھرام ءجۇنىس، مىرزاعۇل تاجىعۇلۇلى، ءۇمىت بوسمانوۆا، تالعات رىسقۇلبەك، گۇلميرا باياتقىزى بار.
