قازاقستان رەسپۋبليكاسىنىڭ ماجارستانداعى ەلشىلىگى ماجارستان پوشتاسىمەن بىرلەسىپ جانە قۇرمەتتى كونسۋلدىڭ قولداۋىمەن قازاقستان تاۋەلسىزدىگىنىڭ 30 جىلدىعىنا وراي مەرەيتويلىق پوشتا ماركاسىن شىعاردى، دەپ حابارلايدى قازاقپارات قر ءسىم ءباسپاسوز قىزمەتىنە سىلتەمە جاساپ.
ماجارستاننىڭ پوشتا ماركاسىندا قازاقستان تاۋەلسىزدىگىنىڭ 30 جىلدىعىنىڭ لوگوتيپى بەينەلەنگەن.
پوشتا ماركالارى ەلشىلىكتىڭ كۇندەلىكتى حات-حابارلارىندا، سونداي-اق كادەسىي رەتىندە پايدالانادى. العاشقى مەرەيتويلىق ماركالار ماجارستان ۇكىمەتى، عىلىم جانە مادەنيەت وكىلدەرىنە، قوعام قايراتكەرلەرىنە، سونداي-اق جەرگىلىكتى كوللەكتسيونەرلەرگە، ياعني فيلاتەليستەرگە تابىس ەتىلەدى.
قازاقستان ەلشىلىگى باستاماشى بولعان ماركانىڭ شىعارىلىمىن ىسكە اسىرۋ كەزىندە فيلاتەليا قاعيداتتارى مەن ماجارستان پوشتاسىنىڭ ستاندارتتارى ەسكەرىلدى.
