بەلگىلى قازاقستاندىق تاريحشى راديك تەمىرعاليەۆ قازاقتاردىڭ سوڭعى حانىنىڭ سۇيەگى رەسەي فەدەراتسياسىندا دەپ پايىمداۋعا بارلىق نەگىز بار دەپ ەسەپتەيدى. بۇل تۋرالى ول Forbes Kazakhstan-عا بەرگەن سۇحباتىندا ايتتى، دەپ حابارلايدى «ادىرنا» ءتىلشىسى.
اڭگىمە بارىسىندا كەنەسارى حاننىڭ سۇيەگى قازاقستانعا قايتىپ كەلۋى مۇمكىن دەگەن ماسەلە كوتەرىلدى. تاريحشىنىڭ ايتۋىنشا، بۇل وتە ماڭىزدى ماسەلە.
«بۇل تاقىرىپتىڭ وزەكتىلىگى سوڭعى ءبىر جىلدا كوتەرىلىپ، ەلباسىنىڭ وسى ماسەلەگە قاتىستى ۇندەۋىن، رەسەي پرەزيدەنتىنىڭ ءوزارا ۋادەسىن كوردىك. بۇل جايتتار جايدان-جاي بولا بەرمەيدى. شاماسى، قالدىقتارى تابىلدى. بۇل وتە كۇردەلى ماسەلە بولعاندىقتان، ءالى جاريالانعان جوق. بولاشاقتا ۇيات، تۇسىنبەۋشىلىك بولماس ءۇشىن بارلىعىن مۇقيات تەكسەرىپ، ساراپتاما جاساۋ كەرەك. جەكە مەن ءۇشىن ءبارى تۇسىنىكتى، بىراق قايتالاپ ايتامىن، مەندە ناقتى دەرەكتەر جوق »، - دەدى ول.
«ادىرنا» ۇلتتىق پورتالى
