پاۆلودار وبلىسىنىڭ بۇرىنعى اكىمى ەرلان ارىن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندەگى "رۋحاني جاڭعىرۋ" ينستيتۋتىنىڭ ديرەكتورى بولىپ تاعايىندالدى، - دەپ حابارلايدى Tengrinews.kz تىلشىسى.
ونىڭ تاعايىندالعانى جونىندە ۋنيۆەرسيتەت سايتىندا جاريالاندى. جوو مالىمەتىنشە، ەرلان ارىن 2018 جىلى 2 ناۋرىزدا بەلارۋس مەملەكەتتىك پەداگوگيكالىق ۋنيۆەرسيتەتىنىڭ بەلورۋس-قازاق مادەني-تانىمدىق ورتالىعىنىڭ اشىلۋىنا قاتىسقان. ورتالىق ەكى جوعارعى وقۋ ورىندارىنىڭ وداقتاستىعىنىڭ اياسىندا اشىلعان.
وسى ورتالىق "رۋحاني جاڭعىرۋ" باعدارلاماسىن جۇزەگە اسىرۋمەن اينالىسادى. ونىڭ باستى ماقساتى - قر مەن بر جوعارعى وقۋ ورىنارىنىڭ حالىقارالىق بايلانىسى، ءوزارا تۇسىنىستىك دەڭگەيىن ارتتىرۋ جانە مادەني شارالار بارىسىندا بەلورۋس جانە قازاقستاندىق ستۋدەنتتەردىڭ دوستىعىن نىعايتۋ.
kaz.tengrinews.kz
