پرەمەر-مينيستر فۋميو كيشيدا ايعا قونۋ اقش-پەن بىرلەسىپ جۇزەگە اسىرىلاتىن ايماقتاعى جانە جەر سەرىگىنىڭ بەتىندەگى كەڭ اۋقىمدى ءىس-شارالار باعدارلاماسى اياسىندا جوسپارلانعانىن مالىمدەدى، دەپ حابارلايدى "ادىرنا" ۇلتتىق پورتالى.
تاسس اگەنتتىگىنىڭ حابارلاۋىنشا، جەلتوقسان ايىندا جاپونيانىڭ اەروعارىشتىق زەرتتەۋلەر اگەنتتىگى (JAXA) وسى جوسپارلاردى جۇزەگە اسىرۋعا قاتىساتىن استروناۆتتاردىڭ جاڭا توپتاماسىنا قاتىسۋعا وتىنىمدەردى قابىلداۋدى باستادى. بايقاۋ كەلەسى جىلدىڭ 4 ناۋرىزىنا دەيىن جالعاسادى.
JAXA استروناۆتار كورپۋسىندا قازىردىڭ وزىندە جەتى ادام بار ەكەنى، بۇل توپ مۇشەلەرىنىڭ ورتاشا جاسى 52 جاس ەكەنى اتاپ ءوتىلدى. ايدىڭ بەلسەندى زەرتتەلۋى كۇتىلەتىن 2030 جىلدارعا قاراي ولاردىڭ ەكەۋى عانا قاتاردا قالادى، قالعاندارى زەينەتكە شىعۋعا ءماجبۇر بولادى.
2019 جىلدىڭ كوكتەمىندە امەريكا قۇراما شتاتتارىنىڭ ۇلتتىق اەروناۆتيكا جانە عارىش باسقارماسى (NASA) ارتەميدا ايدى زەرتتەۋ جانە بارلاۋ باعدارلاماسىنىڭ جوباسىن جاريالادى. ونىڭ ءۇشىنشى كەزەڭىندە عارىشكەرلەردى جەر سەرىگىنە قوندىرۋدى شامامەن 2020 جىلداردىڭ سوڭىندا جۇزەگە اسىرۋ جوسپارلانعان بولاتىن.
توكيو 2019 جىلى امەريكانىڭ اي باعدارلاماسىنا قوسىلۋ تۋرالى شەشىمىن جاريالادى. جاپونيانىڭ ءبىلىم، مادەنيەت، سپورت، عىلىم جانە تەحنولوگيالار مينيسترلىگى مەن NASA جەردىڭ تابيعي سەرىگىن بارلاۋ سالاسىنداعى ىنتىماقتاستىق تۋرالى كەلىسىمگە قول قويدى. اڭگىمە قۇرال-جابدىقتاردى جەتكىزۋ، اي بەتىندەگى دەرەكتەرمەن الماسۋ، ايعا روۆەردى بىرلەسىپ جاساۋ، سونداي-اق جاپوندىق استروناۆتتاردى ايعا جىبەرۋ مۇمكىندىگى تۋرالى بولدى.
"ادىرنا" ۇلتتىق پورتالى
