«بايتەرەك» حولدينگىنىڭ ەنشىلەس ۇيىمى «وتباسى بانك» اق ۇلتتىق دامۋ ينستيتۋتىنا اينالادى. بۇل تۋرالى قر ۇكىمەتى وتىرىسىندا «بايتەرەك» حولدينگىنىڭ باسقارما توراعاسى ايدار ءارىپحانوۆ حابارلادى.
حولدينگ باسشىسى تۇرعىن ءۇي ساياساتىن رەفورمالاۋ تۋرالى زاڭ جوباسى اياسىندا «وتباسى بانك» بازاسىندا تۇرعىن ۇيمەن قامتاماسىز ەتۋ ورتالىعى قۇرىلاتىنىن حابارلادى. ول تۇرعىن ۇيگە مۇقتاجداردىڭ بارلىعىن كۇتىپ-ۇستاۋدى، ورنالاستىرۋدى جانە ەسەپكە الۋدى، سونداي-اق تۇرعىن ءۇي قولجەتىمدىلىگىنىڭ باسپالداعىنا سايكەس باسپانانى كەزەڭدىلىك كۇنى بويىنشا ءبولۋدى ورتالىقتاندىرىلعان تۇردە جۇزەگە اسىرادى.
– تۇرعىن ءۇي ورتالىعىنىڭ بازاسى جەكە تۇلعالاردىڭ مەملەكەتتىك دەرەكتەر بازاسىمەن بىرىكتىرىلەتىن بولادى. سونىمەن قاتار، ەكىنشى دەڭگەيلى بانك مارتەبەسىن ۇلتتىق دامۋ ينستيتۋتى مارتەبەسى بار بانككە وزگەرتۋ جوسپارلانۋدا»، - دەدى ايدار اريفحانوۆ.
سونداي-اق، ونىڭ ايتۋىنشا، «وتباسى بانك» وبلىس اكىمدەرىمەن بىرلەسىپ بانك قۇرالدارى اياسىندا دامۋ الەۋەتى تومەن مونوقالالاردىڭ تۇرعىندارى ءۇشىن باستاپقى جارناسى 10%، سىياقى مولشەرلەمەسى 2-5% بولاتىن جەڭىلدەتىلگەن يپوتەكا باعدارلاماسىن ازىرلەيدى. ءونىمدى قۇرۋدىڭ جوسپارلانعان ۋاقىتى 2022 جىلدىڭ 1 توقسانى.
«ادىرنا» ۇلتتىق پورتالى
