مۇحتار تايجان: بىزگە جاڭا ۇكىمەت كەرەك!

4245
Adyrna.kz Telegram

بۇل ۇكىمەتتىڭ جانە نپپ اتامەكەننىڭ ەكونوميكالىق دارمەنسىز ساياساتىنىڭ سالدارىنان حالىقتىڭ كۇنكورىس دەڭگەيى ابدەن تومەندەپ كەتتى. بۇگىنگى حالىقتىڭ نارازىلىعى - شىنايى ەكونوميكالىق رەفورما جوقتىڭ قاسى.

شىنايى رەفورمانى ىستەتكىزبەي وتىرعان ءسوزسىز وليگارحات. بۇگىنگى تاڭدا Kazenergy جانە نپپ اتامەكەننىڭ باستىقتارى نەگە ءۇنسىز؟ ماڭعىستاۋعا بارىپ حالىقتىڭ الدىنا شىقپاي ما، پروبلەمانى شەشىپ بەرەمىز دەپ؟
نەمەسە اناۋ ەكونوميكا ءمينيسترى، بالاقايىمىز قايدا؟ ەسىمىن دا ۇمىتىپ وتىرمىن. قايدا ولار؟ جوق قوي، تىعىلىپ وتىر. ينتريگادان باسقا ەشتەڭە بىلمەيدى.
قازىر جاڭاوزەنگە بارعان توعجانوۆ پەن نوعاەۆتىڭ كوميسسياسى بىردەڭە شەشەدى دەپ ويلامايمىن. بۇل جەردە باسقا، تۇبەگەيلى شەشىمدەر قابىلدانۋ قاجەت، مەنىڭ ۇسىنىسىم:
پرەزيدەنت توقاەۆ مىرزا اسقار مامين باسقارىپ وتىرعان مىنا ۇكىمەتتى وتستاۆكاعا كەتتىرىپ، حالىق جانە پرەزيدەنتتىڭ ءوزى سەنەتىن جاڭا ۇكىمەتتى جيناۋ كەرەك. سول جاڭا ۇكىمەتتىڭ قاتارىنا نۇروتانان تىس ادامدار دا كىرۋ كەرەك.
ناقتى ايتام، ماعان حالىق پەن پرەزيدەنت سەنىم ارتسا ءوز باسىم ەكونوميكامىزدى تۇزەتۋگە ات سالاسۋعا دايىنمىن. ناتيجەنى ءبىر جىلدىڭ ىشىندە كورسەتۋگە بولادى.
قازاقستان سەكىلدى سونشاما باي ەلدە حالىق سونشاما كەدەي بولعانى - نونسەنس. بۇنداي نونسەنستى قىسقا مەرزىمدە وزگەرتۋگە البەتتە بولادى.

پىكىرلەر