Bul úkimettiń jáne NPP Atamekenniń ekonomıkalyq dármensiz saıasatynyń saldarynan halyqtyń kúnkóris deńgeıi ábden tómendep ketti. Búgingi halyqtyń narazylyǵy - shynaıy ekonomıkalyq reforma joqtyń qasy.
Shynaıy reformany istetkizbeı otyrǵan sózsiz olıgarhat. Búgingi tańda Kazenergy jáne NPP Atamekenniń bastyqtary nege únsiz? Mańǵystaýǵa baryp halyqtyń aldyna shyqpaı ma, problemany sheship beremiz dep?
Nemese anaý ekonomıka mınıstri, balaqaıymyz qaıda? Esimin da umytyp otyrmyn. Qaıda olar? Joq qoı, tyǵylyp otyr. Intrıgadan basqa eshteńe bilmeıdi.
Qazir Jańaózenge barǵan Toǵjanov pen Noǵaevtyń komıssııasy birdeńe sheshedi dep oılamaımyn. Bul jerde basqa, túbegeıli sheshimder qabyldaný qajet, meniń usynysym:
Prezıdent Toqaev myrza Asqar Mamın basqaryp otyrǵan myna úkimetti otstavkaǵa kettirip, halyq jáne prezıdenttiń ózi senetin jańa úkimetti jınaý kerek. Sol jańa úkimettiń qataryna Nurotanan tys adamdar da kirý kerek.
Naqty aıtam, maǵan halyq pen prezıdent senim artsa óz basym ekonomıkamyzdy túzetýge at salasýǵa daıynmyn. Nátıjeni bir jyldyń ishinde kórsetýge bolady.
Qazaqstan sekildi sonshama baı elde halyq sonshama kedeı bolǵany - nonsens. Bundaı nonsensti qysqa merzimde ózgertýge álbette bolady.
