قىرعىزستانداعى قازاقستان ەلشىلىگىنىڭ جانىنا ۆيكرام رۋزۋحانوۆتى قولداۋشىلار ميتينگكە شىقتى. ول جەرگە انشىلەر، مۋزىكانتتار مەن قاراپايىم تۇرعىندار جينالدى، دەپ حابارلايدى “ادىرنا” ۇلتتىق پورتالى Sputnik.kz سايتىنا سىلتەمە جاساپ.
ء"بىزدىڭ ازاماتىمىزدى، ونىڭ ۇستىنە زاڭعا باعىناتىن مۋزىكانتىمىزدى تەرروريست سياقتى كورسەتۋ نامىسىمىزعا تيەدى", - دەدى قاۋىپسىزدىك كوميتەتىنىڭ باسشىسى.
ونىڭ ويىنشا، قازاقستاننىڭ قۇقىق قورعاۋ ورگانى قاتەلەسكەن بولۋى كەرەك. قىرعىزستان قازاقستانعا قارسى نوتا جىبەردى.
قازاقستاننىڭ سىرتقى ىستەر مينيسترلىگى Sputnik تىلشىسىنە نوتانىڭ جىبەرىلگەنى تۋرالى اقپاراتتىڭ تەكسەرىلىپ جاتقانىن ايتتى.
قىرعىزستان پرەزيدەنتى ءباسپاسوز حاتشىسىنىڭ مالىمەتىنشە، قازىرگى كۇنى ەكى ەلدىڭ ىشكى ىستەر مينيسترلىگى ۆيكرام رۋزۋحانوۆتىڭ ۇستالۋىنا قاتىستى جاعدايدىڭ انىق-قانىعىن تالقىلاپ جاتىر.
”ادىرنا” ۇلتتىق پورتالى
