11 قاڭتاردا اۋىس-ءتۇيىس بولاتىنى ءسوزسىز. قر پرەزيدەنتىنىڭ ءباسپاسوز حاتشىسى بەرىك ءۋالي «حابار 24» تەلەارناسىنا بەرگەن سۇحباتىندا وسىنداي پىكىر ءبىلدىردى، دەپ حابارلايدى "ادىرنا" ۇلتتىق پورتالى baq.kz-كە سىلتەمە جاساپ.
«پرەزيدەنت ونىڭ انونسىن ءوزى جاسادى، بىلەسىزدەر. 11-ءى كۇنىن كۇتەيىك. پرەزيدەنتتىڭ الدىنا ءتۇسىپ، شەشىمدەرىن ايتۋعا مەنىڭ قۇقىعىم جوق»، - دەگەن مەملەكەت باسشىسىنىڭ حاتشىسى بۇل كۇنى اۋىس-ءتۇيىس بولاتىنىن راستادى.
پرەزيدەنت ۇكىمەتتى وتستاۆكاعا جىبەرگەنىن بىلەسىزدەر. بارلىق مينيسترلەر قازىر مىندەتىن اتقارۋشى. قايتادان تاعايىندالادى. سول كەزدە كىمدى قالدىراتىنىن، كىمدى اۋىستىراتىنىن پرەزيدەنت ءوزى بىلەدى. ۇكىمەت قايتادان جاساقتالادى. اۋىس-ءتۇيىس بولاتىنى ءسوزسىز، ايقىن، راس. قازىر ءبىزدىڭ حالىق اۋىس-ءتۇيىس كۇتەدى. بىراق قازىرگى تاڭداعى باستى ماقسات – تۇراقتىلىقتى قامتاماسىز ەتۋ، ازاماتتارىمىزدى تۇرمىسىن بۇرىنعى قالىپتى جاعدايىنا ورالتۋ. سول باعىتتا قازىر قۇقىق قورعاۋ ورگاندارى جانتالاسا جۇمىس ىستەپ جاتىر، - دەدى بەرىك ءۋالي.
وسى سۇحباتتا بەرىك ءۋالي ۇجىمدىق قاۋىپسىزدىك تۋرالى شارت ۇيىمىنىڭ اسكەر ءبىر اپتانىڭ اينالاسىندا ەلدەرىنە قايتاتىنىن ايتى.
ۇجىمدىق قاۋىپسىزدىك تۋرالى شارت ۇيىمىنان كىرگەن كۇشتىڭ نەگىزگى ميسسياسى - ەلىمىزدە ستراتەگيالىق نىسانداردى كۇزەتۋ. تاعى قايتالاپ ايتامىن، ستراتەگيالىق نىسانداردى ۇجىمدىق قاۋىپسىزدىك تۋرالى شارت ۇيىمىنىڭ اسكەرى قورعاعاندىقتان، ءبىزدىڭ قارۋلى كۇشتەرىمىزدىڭ، ۇلتتىق ۇلاننىڭ اسكەرلەرى تەرروريستەر كوپ شوعىرلانعان الماتى قالاسى، الماتى وبلىسى جانە باسقا دا وڭىرلەردە سولاردىڭ كوزىن جويۋعا ەركىن مۇمكىندىك الدى. ياعني، ءبىزدىڭ ستراتەگيالىق نىسانداردى ۇجىمدىق قاۋىپسىزدىك تۋرالى شارت ۇيىمىنىڭ اسكەرى قورعايدى دا، ءوزىمىزدىڭ اسكەريلەر بارلىق تەرروريستەردىڭ كوزىن جويۋعا ارەكەتتەندى. بۇل بىزگە ۇلكەن كومەك بولدى، - دەگەن مەملەكەت باسشىسىنىڭ ءباسپاسوز حاتشىسى جالپى جاعداي تۇراقتالعان سوڭ، ۇقشۇ ەلدەرى اسكەرلەرىنىڭ ميسسياسى اياقتالاتىنىن اتادى.
ولاردىڭ ەشقايسىسى قالمايدى. بىردەن ءوز ەلدەرىنە كەتەدى. ۇجىمدىق قاۋىپسىزدىك تۋرالى شارت ۇيىمى دەگەن جالعىز رەسەي عانا ەمەس، وزدەرىڭىز بىلەسىزدەر. بيىل توراعالىق ەتىپ وتىرعان ارمەنيا بار، بەلارۋس، تاجىكستان بار. بۇل اسكەردىڭ ءبارى كوپ تۇراقتامايدى. ارى كەتسە ءبىر اپتا كولەمىندە كەتەدى. مۇمكىن، وعان دا جەتپەيدى. ءبارى قايتارىلادى. ونىڭ ۇستىنە قازىر ءبىلىپ وتىرسىزدار، جاعداي تۇراقتالىپ كەلە جاتىر، - دەدى بەرىك ءۋالي.
ءباسپاسوز حاتشىسى قر پرەزيدەنتى ق.توقاەۆتىڭ «نون-ستوپ» رەجيمىندە جۇمىس ىستەپ جاتقانىن ايتتى.
پرەزيدەنتتىڭ شەشىمدەرى مەن ۇندەۋلەرى بويىنشا بلوگوسفەرادا ءارتۇرلى سيپاتتاعى تۇسىندىرمەلەر كوبەيىپ كەتكەنى راس. وسىعان بايلانىستى ارنايى مالىمدەمە جاساۋ قاجەت دەپ سانادىم. سەبەبى قاسىم-جومارت توقاەۆ مەملەكەتىمىزدەگى ەڭ جوعارعى لاۋازىمدى تۇلعا جانە قاۋىپسىزدىك كەڭەسىنىڭ توراعاسى. سوندىقتان مەملەكەت باسشىسى دەربەس شەشىم قابىلدايدى. كونستيتۋتسيالىق قۇرىلىمعا نۇقسان كەلتىرۋدى كوزدەگەن سودىرلاردىڭ قازاقستانعا شابۋىل جاساعان قايعىلى كۇندەردە دە سونداي شەشىمدەر قابىلداعان. قاسىم-جومارت كەمەلۇلى وتانداستارىمىزعا ارناعان ءوزىنىڭ ۇندەۋلەرىن كەڭەسشىلەرىنىڭ كومەگىنسىز، ادەتتەگىدەي ءوزى جازدى. باستان-اياق ءوزى رەداكتسيالادى. وسى ءساتتى پايدالانا وتىرىپ، تاعى دا ايتقىم كەلەدى، مەملەكەت باسشىسىنىڭ جۇمىسى تۋرالى اقپاراتتى تاراتىپ، تۇسىندىرۋگە پرەزيدەنتتىڭ ءباسپاسوز حاتشىسىنان باسقا ەشكىمنىڭ قاتىسى جوق. ياعني، مەن عانا بۇل تۋرالى ناقتى، رەسمي اقپارات تاراتا الامىن، - دەدى بەرىك ءۋالي «حابار 24» تەلەارناسىنىڭ ەفيرىندە.
سونداي-اق ول پرەزيدەنتتىڭ بارشا جۇمىستى اقوردادا اتقارىپ وتىرعانىن اتاپ ءوتتى.
پرەزيدەنتىمىز قاسىم-جومارت كەمەلۇلى توقاەۆ ماڭعىستاۋدا باستالىپ، 4 قاڭتاردا اۋقىمى كەڭەيىپ، سوڭى تەررورلىق شابۋىلعا ۇلاسىپ كەتكەن ساتتەن باستاپ، وسى وقيعالاردىڭ ءبارىن اقوردادان قاداعالاپ، جۇمىس ىستەپ وتىر. مەملەكەت باسشىسىنىڭ كۇنى-ءتۇنى «نون-ستوپ» رەجيمىندە جۇمىس ىستەپ، ەلدەگى جاعدايدى تولىق باقىلاۋدا ۇستاپ وتىر دەپ ايتۋعا بولادى. ونى وزدەرىڭىز دە كورىپ، ءبىلىپ وتىرسىزدار، - دەدى پرەزيدەنتتىڭ ءباسپاسوز حاتشىسى.
"ادىرنا" ۇلتتىق پورتالى
