11 qaŋtarda auys-tüiıs bolatyny sözsız. QR Prezidentınıŋ baspasöz hatşysy Berık Uäli «Habar 24» telearnasyna bergen sūhbatynda osyndai pıkır bıldırdı, dep habarlaidy "Adyrna" ūlttyq portaly baq.kz-ke sılteme jasap.
«Prezident onyŋ anonsyn özı jasady, bılesızder. 11-ı künın küteiık. Prezidenttıŋ aldyna tüsıp, şeşımderın aituǧa menıŋ qūqyǧym joq», - degen Memleket basşysynyŋ hatşysy būl künı auys-tüiıs bolatynyn rastady.Prezident Ükımettı otstavkaǧa jıbergenın bılesızder. Barlyq ministrler qazır mındetın atqaruşy. Qaitadan taǧaiyndalady. Sol kezde kımdı qaldyratynyn, kımdı auystyratynyn Prezident özı bıledı. Ükımet qaitadan jasaqtalady. Auys-tüiıs bolatyny sözsız, aiqyn, ras. Qazır bızdıŋ halyq auys-tüiıs kütedı. Bıraq qazırgı taŋdaǧy basty maqsat – tūraqtylyqty qamtamasyz etu, azamattarymyzdy tūrmysyn būrynǧy qalypty jaǧdaiyna oraltu. Sol baǧytta qazır qūqyq qorǧau organdary jantalasa jūmys ıstep jatyr, - dedı Berık Uäli.Osy sūhbatta Berık Uäli Ūjymdyq qauıpsızdık turaly şart ūiymynyŋ äsker bır aptanyŋ ainalasynda elderıne qaitatynyn aity. Ūjymdyq qauıpsızdık turaly şart ūiymynan kırgen küştıŋ negızgı missiiasy - elımızde strategiialyq nysandardy küzetu. Taǧy qaitalap aitamyn, strategiialyq nysandardy Ūjymdyq qauıpsızdık turaly şart ūiymynyŋ äskerı qorǧaǧandyqtan, bızdıŋ qaruly küşterımızdıŋ, Ūlttyq ūlannyŋ äskerlerı terrorister köp şoǧyrlanǧan Almaty qalasy, Almaty oblysy jäne basqa da öŋırlerde solardyŋ közın joiuǧa erkın mümkındık aldy. Iаǧni, bızdıŋ strategiialyq nysandardy Ūjymdyq qauıpsızdık turaly şart ūiymynyŋ äskerı qorǧaidy da, özımızdıŋ äskeriler barlyq terroristerdıŋ közın joiuǧa ärekettendı. Būl bızge ülken kömek boldy, - degen Memleket basşysynyŋ baspasöz hatşysy jalpy jaǧdai tūraqtalǧan soŋ, ŪQŞŪ elderı äskerlerınıŋ missiiasy aiaqtalatynyn atady.
Olardyŋ eşqaisysy qalmaidy. Bırden öz elderıne ketedı. Ūjymdyq qauıpsızdık turaly şart ūiymy degen jalǧyz Resei ǧana emes, özderıŋız bılesızder. Biyl töraǧalyq etıp otyrǧan Armeniia bar, Belarus, Täjıkstan bar. Būl äskerdıŋ bärı köp tūraqtamaidy. Ary ketse bır apta kölemınde ketedı. Mümkın, oǧan da jetpeidı. Bärı qaitarylady. Onyŋ üstıne qazır bılıp otyrsyzdar, jaǧdai tūraqtalyp kele jatyr, - dedı Berık Uäli.Baspasöz hatşysy QR Prezidentı Q.Toqaevtyŋ «non-stop» rejimınde jūmys ıstep jatqanyn aitty.
Prezidenttıŋ şeşımderı men ündeulerı boiynşa blogosferada ärtürlı sipattaǧy tüsındırmeler köbeiıp ketkenı ras. Osyǧan bailanysty arnaiy mälımdeme jasau qajet dep sanadym. Sebebı Qasym-Jomart Toqaev memleketımızdegı eŋ joǧarǧy lauazymdy tūlǧa jäne Qauıpsızdık keŋesınıŋ Töraǧasy. Sondyqtan Memleket basşysy derbes şeşım qabyldaidy. Konstitusiialyq qūrylymǧa nūqsan keltırudı közdegen sodyrlardyŋ Qazaqstanǧa şabuyl jasaǧan qaiǧyly künderde de sondai şeşımder qabyldaǧan. Qasym-Jomart Kemelūly otandastarymyzǧa arnaǧan özınıŋ ündeulerın keŋesşılerınıŋ kömegınsız, ädettegıdei özı jazdy. Bastan-aiaq özı redaksiialady. Osy sättı paidalana otyryp, taǧy da aitqym keledı, Memleket basşysynyŋ jūmysy turaly aqparatty taratyp, tüsındıruge Prezidenttıŋ baspasöz hatşysynan basqa eşkımnıŋ qatysy joq. Iаǧni, men ǧana būl turaly naqty, resmi aqparat tarata alamyn, - dedı Berık Uäli «Habar 24» telearnasynyŋ efirınde.Sondai-aq ol Prezidenttıŋ barşa jūmysty Aqordada atqaryp otyrǧanyn atap öttı.
Prezidentımız Qasym-Jomart Kemelūly Toqaev Maŋǧystauda bastalyp, 4 qaŋtarda auqymy keŋeiıp, soŋy terrorlyq şabuylǧa ūlasyp ketken sätten bastap, osy oqiǧalardyŋ bärın Aqordadan qadaǧalap, jūmys ıstep otyr. Memleket basşysynyŋ künı-tünı «non-stop» rejimınde jūmys ıstep, eldegı jaǧdaidy tolyq baqylauda ūstap otyr dep aituǧa bolady. Ony özderıŋız de körıp, bılıp otyrsyzdar, - dedı Prezidenttıŋ baspasöz hatşysy.
"Adyrna" ūlttyq portaly
