قر ورتالىق مەملەكەتتىك ارحيۆ قورىنىڭ قىزمەتكەرلەرى ءبىر كۇندىك جالاقىلارىن بۇلىك شىعىنىن جابۋعا اۋدارماق. بۇل تۋرالى مەملەكەتتىك مەكەمەنىڭ ديرەكتورى ءسابيت شىلدەباي مالىمدەدى، دەپ حابارلايدى «ادىرنا» ءتىلشىسى.
«مەن قر وما ديرەكتورى رەتىندە 7 قاڭتار كۇنى ءبىر كۇندىك جالاقىمىزدى جاپپاي تارتىپسىزدىكتەر كەزىندە كەلگەن شىعىندى جابۋ ءۇشىن مەملەكەتكە اۋدارۋ جونىندە ۇجىمعا ۇندەۋ تاستادىم. از جالاقى الاتىن ارحيۆشىلەر ءبىر كىسىدەي قولداۋ ءبىلدىردى. ال مەن ءوزىمنىڭ ءبىر ايلىق جالاقىمدى تۇگەلدەي اۋدارۋ جونىندە شەشىم قابىلدادىم. ءبىز بۇل شەشىمىمىز جونىندە 8 قاڭتار كۇنى قازاقستان رەسپۋبليكاسى مادەنيەت جانە سپورت مينيسترلىگى ارحيۆ ىستەرى جانە قۇجاتتامانى باسقارۋ كوميتەتى باسشىلىعىنا حابارلادىق»،– دەدى ول.
«ادىرنا» ۇلتتىق پورتالى
