مارقۇم شەرزات پولاتتىڭ اكەسى قارجاۋباي نۇرىموۆ سوتتالۋشىلاردان مورالدىق شىعىن رەتىندە 660 ملن تەڭگە ءوندىرۋدى سۇرادى. بۇل تۋرالى بۇگىن، 29 مامىردا جابىرلەنۋشى تاراپتىڭ ادۆوكاتى ايتتى، دەپ حابارلايدى «ادىرنا» ءتىلشىسى.
Cوت وتىرىسىندا جابىرلەنۋشى تاراپ وكىلدەرى سوتقا ءىس بويىنشا جابىرلەنۋشى بولىپ تانىلعان قارجاۋباي نۇرىموۆ، جۇمابيكە قادىروۆا جانە گۇلبارام بيشەمبيەۆاعا كەلتىرىلگەن مورالدىق شىعىندى وتەۋ تۋرالى ءوتىنىشحات ءبىلدىردى.
ابزال شىناسىل مەن راۆيل ساكيەۆتەن قارجاۋباي نۇرىموۆتىڭ پايداسىنا 100 ملن تەڭگە وتەماقى ءوندىرۋ سۇرالدى. ال قالعان 6 سوتتالۋشىدان ارقايسىسى 20 ملن تەڭگەدەن, ياعني 120 ملن تەڭگە وتەماقى تالاپ ەتىلدى.
شەرزاتتىڭ اناسى مەن اجەسىنە دە وسى سومانى تولەۋ سۇرالدى. ودان بولەك، جەرلەۋگە جۇمسالعان شىعىن رەتىندە 2 ملن 794 مىڭ تەڭگە ءوندىرۋ قاجەت ەكەنى ايتىلدى.
جابىرلەنۋشى تاراپ سۇراعان ماتەريالدىق جانە مورالدىق شىعىننىڭ جالپى سوماسى 662 794 مىڭ تەڭگەنى قۇرادى.
