پرەزيدەنت كۇتكەن پرەمەر. دجوردجا مەلوني استاناعا Cامارقان ارقىلى ساپارلادى

1056
Adyrna.kz Telegram
https://adyrna.kz/content/uploads/2025/05/img_9641-960x500.jpeg?token=a259806c281667bfc6d634ac3b96968e

مەملەكەت باسشىسى قاسىم-جومارت توقاەۆ قازاقستانعا رەسمي ساپارمەن كەلگەن يتاليا پرەمەر-ءمينيسترى دجوردجا مەلونيدى نازارباەۆ اۋەجايىنان كۇتىپ الدى. بۇل تۋرالى بۇگىن، 29 مامىردا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.

«ءسىزدى قازاقستاندا قارسى الۋ – ءبىز ءۇشىن ۇلكەن مارتەبە. الداعى كەلىسسوزدەر ەكىجاقتى قارىم-قاتىناستارىمىزعا تىڭ سەرپىن بەرۋدە ماڭىزدى، ءتىپتى، شەشۋشى ءرول اتقاراتىنىنا سەنىمدىمىن. يتاليا – قازاقستاننىڭ ەۋروپاداعى جەتەكشى ساۋدا سەرىكتەستەرىنىڭ ءبىرى. كەشەلى-بۇگىن استانادا يتاليا بيزنەسىنىڭ كوپتەگەن وكىلىنىڭ قاتىسۋىمەن بيزنەس-فورۋم ءوتتى. ەكى ەل اراسىنداعى ىسكەرلىك بايلانىستاردى دامىتۋعا قوسقان ۇلەسىڭىزدى جوعارى باعالايمىز»،—دەدى پرەزيدەنت.

دجوردجا مەلوني ءوز سوزىندە قازاقستاندى يتاليانىڭ، سونداي-اق ەۋروپانىڭ ماڭىزدى سەرىكتەسى رەتىندە قاراستىراتىنىن اتاپ ءوتتى.

«ءسىزدىڭ ەلىڭىزگە العاش رەت كەلىپ وتىرمىن. وتە قۋانىشتىمىن. ءوزىڭىز ايتقانداي، ەكى ەلدىڭ قارىم-قاتىناسى وتە جاقسى. الايدا بۇدان دا جوعارى ناتيجەگە قول جەتكىزۋگە ءاردايىم مۇمكىندىك بار. ءبىز قازاقستاندى يتاليانىڭ، سونداي-اق ەۋروپانىڭ ماڭىزدى سەرىكتەسى رەتىندە قاراستىرامىز. سونىمەن قاتار قازىرگى كەزدە ورتالىق ازيا ءوڭىرى ستراتەگيالىق مانگە يە بولدى. مەملەكەتتەر باسشىلارى دەڭگەيىندە ءبىرىنشى «يتاليا – ورتالىق ازيا» ءسامميتىن ۇيىمداستىرعانىڭىز ءۇشىن ريزاشىلىعىمدى بىلدىرەمىن. بۇل باسقوسۋ ايماقپەن قارىم-قاتىناسىمىزداعى تاريحي ءسات بولادى دەپ ويلايمىن. قازىرگى سىندارلى كەزەڭدە ءبىز ءۇشىن بارلىق دەڭگەيدە ىنتىماقتاستىق ورناتۋ وتە وزەكتى»،—دەدى ول.

ايتا كەتەيىك، يتاليا پرەمەرى بۇعان دەيىن قازاقستانعا ساپارىن 2 رەت كەيىنگە قالدىرعان ەدى.  ونىڭ بىرىنە يتالياداعى جويقىن سۋ تاسقىنى، ەكىنشىسىنە ريم پاپاسىنىڭ قازاسى سەبەپ بولدى.

دجوردجا مەلوني قازاقستانعا كەلەر الدىن وزبەكستانعا ساپارلاپ، استاناعا سامارقان ارقىلى جەتتى.
پىكىرلەر