Memleket basşysy Qasym-Jomart Toqaev Qazaqstanǧa resmi saparmen kelgen İtaliia premer-ministrı Djordja Melonidı Nazarbaev äuejaiynan kütıp aldy. Būl turaly bügın, 29 mamyrda Aqordanyŋ baspasöz qyzmetı jazdy, dep habarlaidy «Adyrna» tılşısı.
«Sızdı Qazaqstanda qarsy alu – bız üşın ülken märtebe. Aldaǧy kelıssözder ekıjaqty qarym-qatynastarymyzǧa tyŋ serpın berude maŋyzdy, tıptı, şeşuşı röl atqaratynyna senımdımın. İtaliia – Qazaqstannyŋ Europadaǧy jetekşı sauda serıktesterınıŋ bırı. Keşelı-bügın Astanada İtaliia biznesınıŋ köptegen ökılınıŋ qatysuymen biznes-forum öttı. Ekı el arasyndaǧy ıskerlık bailanystardy damytuǧa qosqan ülesıŋızdı joǧary baǧalaimyz»,—dedı prezident.
Djordja Meloni öz sözınde Qazaqstandy İtaliianyŋ, sondai-aq Europanyŋ maŋyzdy serıktesı retınde qarastyratynyn atap öttı.
«Sızdıŋ elıŋızge alǧaş ret kelıp otyrmyn. Öte quanyştymyn. Özıŋız aitqandai, ekı eldıŋ qarym-qatynasy öte jaqsy. Alaida būdan da joǧary nätijege qol jetkızuge ärdaiym mümkındık bar. Bız Qazaqstandy İtaliianyŋ, sondai-aq Europanyŋ maŋyzdy serıktesı retınde qarastyramyz. Sonymen qatar qazırgı kezde Ortalyq Aziia öŋırı strategiialyq mänge ie boldy. Memleketter basşylary deŋgeiınde bırınşı «İtaliia – Ortalyq Aziia» sammitın ūiymdastyrǧanyŋyz üşın rizaşylyǧymdy bıldıremın. Būl basqosu aimaqpen qarym-qatynasymyzdaǧy tarihi sät bolady dep oilaimyn. Qazırgı syndarly kezeŋde bız üşın barlyq deŋgeide yntymaqtastyq ornatu öte özektı»,—dedı ol.
Aita keteiık, İtaliia premerı būǧan deiın Qazaqstanǧa saparyn 2 ret keiınge qaldyrǧan edı. Onyŋ bırıne İtaliiadaǧy joiqyn su tasqyny, ekınşısıne Rim Papasynyŋ qazasy sebep boldy.
Djordja Meloni Qazaqstanǧa keler aldyn Özbekstanǧa saparlap, Astanaǧa Samarqan arqyly jettı.
