اسپانداعى كورىنىسكە جەردەگى مينيسترلىك تۇسىنىكتەمە بەردى

1917
Adyrna.kz Telegram
https://adyrna.kz/content/uploads/2025/06/photo-output-960x500.png?token=ba761c73b196d5c14a420d8cde301cbe

بۇگىن، 5 ماۋسىمدا استانا اسپانىندا بەلگىسىز نىساندار پايدا بولدى. قورعانىس مينيسترلىگى بۇل جاعدايعا قاتىستى تۇسىنىكتەمە بەردى، دەپ حابارلايدى «ادىرنا» ءتىلشىسى.

«قازاقستان رەسپۋبليكاسى اۋماعىندا اۋە كەڭىستىگىنىڭ بۇزىلۋ فاكتىلەرى تىركەلگەن جوق. جاعداي ءتيىستى قىزمەتتەردىڭ تولىق باقىلاۋىندا. حالىققا ەشقانداي قاۋىپ ءتونىپ تۇرعان جوق.

اتالعان قۇبىلىس اتموسفەراعا ەنىپ جاتقان عارىشتىق اپپاراتتاردىڭ قالدىقتارىنا نەمەسە مەتەور اعىنىنا ۇقسايدى. مۇنداي نىساندار، ادەتتە، اتموسفەرانىڭ تىعىز قاباتتارىندا جانىپ كەتىپ، جەرگە جەتپەيدى»،—دەلىنگەن حابارلامادا.

مينيسترلىك ازاماتتاردان سابىر ساقتاۋدى جانە راستالماعان اقپارات تاراتپاۋدى سۇرادى.

«قۇزىرلى ورگاندار بۇل قۇبىلىستى زەرتتەپ جاتىر جانە قاجەت بولعان جاعدايدا رەسمي تۇسىنىكتەمە بەرەدى»،—دەپ تولىقتىردى قورعانىس مينيسترلىگىنىڭ ءباسپاسوز قىزمەتى.

ەسكە سالايىق، بۇعان دەيىن قازنەت قولدانۋشىلارى استانا اسپانىنداعى ەرەكشە كورىنىستى ۆيدەوعا ءتۇسىرىپ، جەلىگە جۇكتەگەن ەدى.

<
پىكىرلەر