الماتى اكىمى دارحان ساتىبالدىنىڭ وكىمىمەن قالا اكىمى اپپاراتىنىڭ باسشىسى قىزمەتىنە ەرلان يسابەكوۆ تاعايىندالدى، دەپ حابارلايدى «ادىرنا» ءتىلشىسى.
ەرلان شويۇلى ءال-فارابي اتىنداعى قازاق ۇلتتىق ۋنيۆەرسيتەتىن، «بولاشاق» باعدارلاماسىمەن دجوردجتاۋن ۋنيۆەرسيتەتىن (اقش) بىتىرگەن. قولدانبالى ماتەماتيكا جانە ەكونوميكا ماماندىقتارى بويىنشا ماگيستر دارەجەسى بار.
ەڭبەك جولىن الماتى قالاسىنداعى № 131 مەكتەپ-ليتسەيىندە ماتەماتيكا ءپانىنىڭ مۇعالىمى بولىپ باستاعان.
2000-2002 جىلدارى مەملەكەتتىك كىرىستەر مينيسترلىگىندە قىزمەت اتقاردى.
2002-2008 جىلدارى — قارجى مينيسترلىگىنىڭ كەدەندىك باقىلاۋ كوميتەتىندە جۇمىس ىستەدى.
2008-2009 جىلدارى پرەمەر-ءمينيستردىڭ كەنسەسىندە قىزمەت اتقاردى.
2009-2015 جىلدارى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىندە باسشىلىق لاۋازىمداردا قىزمەت ەتتى.
2015-2018 جىلدارى پرەزيدەنت اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ ينسپەكتورى قىزمەتىن اتقاردى.
2018-2023 جىلدارى اقمولا وبلىسى ەگىندىكول اۋدانىنىڭ جانە جەتىسۋ وبلىسى قاراتال اۋدانىنىڭ اكىمى بولدى.
وسى تاعايىنداۋعا دەيىن پرەزيدەنت اكىمشىلىگى مەملەكەتتىك باقىلاۋ ءبولىمىنىڭ مەملەكەتتىك ينسپەكتورى بولىپ جۇمىس ىستەگەن.
