"2-3 қаңтар күндері ауылында болған": Назарбаевтың қайда екені анықталды

26140
Adyrna.kz Telegram

Қазақстанның тұңғыш президенті Нұрсұлтан Назарбаев Алматы маңындағы Шамалған ауылында 2-3 қаңтар күндері болған. Содан кейін автокөлікпен ол Қырғызстанға кетіп, сол жерден Біріккен Араб Әмірліктеріне ұшып кетті, деп хабарлайды "Адырна" ұлттық порталы kaz.orda.kz-ке сілтеме жасап. 

Нұрсұлтан Назарбаев Алматыдан бір сағаттық жерде Шамалған ауылында дүниеге келген. Ауыл тұрғындарының бірі, шырақшы тұңғыш президенттің Шамалғанда 2-3 қаңтарда болғаны туралы айтып берді.

Дәл осы Назарбаевтың 2 және 3 қаңтарда болғанын қалай білгені туралы сұраққа шырақшы «ауылда мұндай заттарды жасыра алмайсың» деп жауап қайтарды.

– Біз оның сапары туралы осында келген ілесіп жүретін автокөліктерден түсіндік. 2 қаңтарда ол дәл осында болды. Олар маған зиратқа оның келетінін алдын-ала ескертті. Біз бәрін дайындадық, оны күттік. Бірақ, шамасы, оның шаруалары пайда болды. Келе алмады. Өйткені, түскі астан кейін зираттарға келмейді. Ол кеш келді. Үлгерген жоқ, – деді шырақшы «МК» тілшісіне.

Сонымер қатар, шырақшы Назарбаевтың денсаулығы жайлы айтып берді.

– Онымен бәрі жақсы. Егер сіз оның қабірін осы жерден табуды ойласаңыз, онда тырыспаңыз. Жасырын жерлеу өткізілген жоқ. Ия, біз ешкімді жасырын жерлемейміз. Мен оны (Назарбаевты) жеке көрмедім. Бірақ көргендер оның жағдайы жақсы екенін айтты. Кортеж, күзет, бәрі әдеттегідей болды, – деп мәлімдеді ауыл тұрғыны.

Оның айтуынша, Қауіпсіздік Кеңесінің экс-төрағасы Шамалғанға туысқандарымен көрісу үшін келді.

– Оның інісі мен қарындасы (Анипа Назарбаева) ауылда тұрады. Мүмкін оларға қонаққа келген шығар. Алматы – әдемі қала, бірақ ол жерде кептеліс көп. Олар қарапайым адамдар, оларға мұнда ыңғайлы. Назарбаевтың ағасы жүрді, жүрді. Зиратқа жиі баратын. Назарбаевтың әпкесінде күзет жоқ. Көршілері бір-біріне қонаққа барады, – деді шырақшы.

Шамалғанда әкімшілік лауазымға ие адам қызықты мәліметтерді айтты. Оның айтуынша, Назарбаев мұнда жаңа жылдан кейін келді, Германияда ота жасатқан науқас інісі Болатқа келді.

– Нұрсұлтан (Назарбаев) сол күндері жанұясымен біздің ақсақалдарымыз үйінде жиналды. Жиналыс өтті. Менің білуімше, содан кейін Назарбаев және оның кейбір отбасы мүшелері брондалған автокөліктермен қырғыз шекарасына қарай бет алды. Онда оларды қарсы алды. Олар әуежайға жеткізілді, сол жерден барлығы Араб Әмірлігіне ұшып кетті.

Қырғызстан президенті оны құтқарды. Назарбаев 2010 жылы «сәуір төңкерісі» кезінде елден алып шыққан Қырғызстанның бұрынғы басшысы Бакиевті де құтқарды. Ол бұл туралы өзі айтты, – деді ол.

Еске салсақ, Елбасының кіші қызы Әлия өзінің Instagram мен Facebook-тегі парақшаларын өшіріп тастаған болатын. Instagram-да «аккаунт туралы ақпарат» функциясына сәйкес, сервис автоматты түрде оның орналасқан жерін Біріккен Араб Әмірліктері ретінде анықтады (егер жария тұлғаның аккаунты көк белгімен тексерілген болса, мұндай анықтама қойылады).

"Адырна" ұлттық порталы

Пікірлер