Жастар криминалды тұлғаларға еліктеп, жалған көсемдердің ықпалында жүр! - Ерлан Қарин

8482
Adyrna.kz Telegram

Мемлекеттік хатшы Ерлан Қарин Қаңтар оқиғасына қатысты Qazaqstan Ұлттық Телеарнасына берген сұхбатында діни радикализмнің, саяси радикализмнің белгілері қайдан пайда болғанына жете тоқталды. Сонымен қатар "Қасіретті қаңтар" оқиғасына қатысты пікір білдіріп, жастарды тура жолдан адастыратын криминалды тұлғалардың аз еместігін де атап өтті, деп хабарлайды "Адырна" ұлттық порталы.

- Мына көшедегі кешегі болған жағдайлар бізге үлкен бір ой салуы керек! Қолына қару алып, бір азаматтың екінші азаматқа осылай қару қолдануы қашан болған жағдай?! Бұл радикализмнің себебі неде? Біз осы уақытқа дейін діни радикализм деп келдік, бізде діни радикализм емес, саяси радикализм, саяси экстремизмнің де белгілері пайда болды. Бұған дер кезінде қазір тосқауыл керек. Кешегі көшеде жағдайлардың барлығына үстемдік етіп, ұран салып, адамдарды соңынан ертіп отырған криминалды тұлғалар болды. Қай заманнан, қай кезден бастап бізде қоғамда жастарға криминалды тұлғалар көсем болып кетті? Неліктен біздің жастар сол инстаграм мен тик-токта сол азаматтарды еліктейтін тұлға ретінде көріп отыр?! Рас қой. Біз осының барлығын көріп те келдік, айтып та келдік. Бірақ, енді осыны айту, жазу жеткіліксіз шығар. Біздің тарапымыздан белгілі бір қадамдар керек шығар. Біздің жастарымызға мүмкін басқа еліктейтін тұлғалар болуы керек. Біздің осылай теледидар алдында сұхбат құрып отырғанымыз қандай пайда?! Егер де, жастарымыз өздеріне жалған көсемдерді тауып алып, солардың сөздеріне еріп отыратын болса?!, - деп пікір білдірді Ерлан Қарин.

"Адырна" ұлттық порталы

Пікірлер