Memlekettik hatshy Erlan Qarın Qańtar oqıǵasyna qatysty Qazaqstan Ulttyq Telearnasyna bergen suhbatynda dinı radıkalızmniń, saıası radıkalızmniń belgileri qaıdan paıda bolǵanyna jete toqtaldy. Sonymen qatar "Qasiretti qańtar" oqıǵasyna qatysty pikir bildirip, jastardy týra joldan adastyratyn krımınaldy tulǵalardyń az emestigin de atap ótti, dep habarlaıdy "Adyrna" ulttyq portaly.
- Myna kóshedegi keshegi bolǵan jaǵdaılar bizge úlken bir oı salýy kerek! Qolyna qarý alyp, bir azamattyń ekinshi azamatqa osylaı qarý qoldanýy qashan bolǵan jaǵdaı?! Bul radıkalızmniń sebebi nede? Biz osy ýaqytqa deıin dinı radıkalızm dep keldik, bizde dinı radıkalızm emes, saıası radıkalızm, saıası ekstremızmniń de belgileri paıda boldy. Buǵan der kezinde qazir tosqaýyl kerek. Keshegi kóshede jaǵdaılardyń barlyǵyna ústemdik etip, uran salyp, adamdardy sońynan ertip otyrǵan krımınaldy tulǵalar boldy. Qaı zamannan, qaı kezden bastap bizde qoǵamda jastarǵa krımınaldy tulǵalar kósem bolyp ketti? Nelikten bizdiń jastar sol ınstagram men tık-tokta sol azamattardy elikteıtin tulǵa retinde kórip otyr?! Ras qoı. Biz osynyń barlyǵyn kórip te keldik, aıtyp ta keldik. Biraq, endi osyny aıtý, jazý jetkiliksiz shyǵar. Bizdiń tarapymyzdan belgili bir qadamdar kerek shyǵar. Bizdiń jastarymyzǵa múmkin basqa elikteıtin tulǵalar bolýy kerek. Bizdiń osylaı teledıdar aldynda suhbat quryp otyrǵanymyz qandaı paıda?! Eger de, jastarymyz ózderine jalǵan kósemderdi taýyp alyp, solardyń sózderine erip otyratyn bolsa?!, - dep pikir bildirdi Erlan Qarın.
"Adyrna" ulttyq portaly
