Memlekettık hatşy Erlan Qarin Qaŋtar oqiǧasyna qatysty Qazaqstan Ūlttyq Telearnasyna bergen sūhbatynda dıni radikalizmnıŋ, saiasi radikalizmnıŋ belgılerı qaidan paida bolǧanyna jete toqtaldy. Sonymen qatar "Qasırettı qaŋtar" oqiǧasyna qatysty pıkır bıldırıp, jastardy tura joldan adastyratyn kriminaldy tūlǧalardyŋ az emestıgın de atap öttı, dep habarlaidy "Adyrna" ūlttyq portaly.
- Myna köşedegı keşegı bolǧan jaǧdailar bızge ülken bır oi saluy kerek! Qolyna qaru alyp, bır azamattyŋ ekınşı azamatqa osylai qaru qoldanuy qaşan bolǧan jaǧdai?! Būl radikalizmnıŋ sebebı nede? Bız osy uaqytqa deiın dıni radikalizm dep keldık, bızde dıni radikalizm emes, saiasi radikalizm, saiasi ekstremizmnıŋ de belgılerı paida boldy. Būǧan der kezınde qazır tosqauyl kerek. Keşegı köşede jaǧdailardyŋ barlyǧyna üstemdık etıp, ūran salyp, adamdardy soŋynan ertıp otyrǧan kriminaldy tūlǧalar boldy. Qai zamannan, qai kezden bastap bızde qoǧamda jastarǧa kriminaldy tūlǧalar kösem bolyp kettı? Nelıkten bızdıŋ jastar sol instagram men tik-tokta sol azamattardy elıkteitın tūlǧa retınde körıp otyr?! Ras qoi. Bız osynyŋ barlyǧyn körıp te keldık, aityp ta keldık. Bıraq, endı osyny aitu, jazu jetkılıksız şyǧar. Bızdıŋ tarapymyzdan belgılı bır qadamdar kerek şyǧar. Bızdıŋ jastarymyzǧa mümkın basqa elıkteitın tūlǧalar boluy kerek. Bızdıŋ osylai teledidar aldynda sūhbat qūryp otyrǧanymyz qandai paida?! Eger de, jastarymyz özderıne jalǧan kösemderdı tauyp alyp, solardyŋ sözderıne erıp otyratyn bolsa?!, - dep pıkır bıldırdı Erlan Qarin.
"Adyrna" ūlttyq portaly
https://youtu.be/68B6Pn2FhEw
