Индустрия және инфрақұрылымдық даму министрлігі жеңілдетілген автонесие бағдарламасын әзірлеп жатыр. Бұл туралы премьер-министр Әлихан Смайылов айтты.
"Бүгінде халық үшін отандық өндірістегі автокөліктер қолжетімділігін қамтамасыз ету мақсатында Индустрия және инфрақұрылымдық даму министрлігі жеңілдетілген автонесие беру бағдарламасын әзірлеп жатыр. Бұл бағдарламаны іске қосу мәселелерін шешуге бірнеше ай қажет", - деді Үкімет басшысы.
Әлихан Смайылов үкімет ақпанның соңына дейін кәдеге жарату төлемінің жаңа мөлшерлемесі ұсынылатынын айтты. Бұған дейін президент оны реттеу жолдарын тапсырған болатын.
"Адырна" ұлттық порталы
