Қазақстан президенті Қасым-Жомарт Тоқаев Ресейде келіссөздер жүргізуде. Бұл туралы президенттің баспасөз хатшысы Берік Уәли жазды.
"Бүгін Мәскеуде Қазақстан Президенті Қасым-Жомарт Тоқаев пен Ресей Президенті Владимир Путин жоғары деңгейде келіссөз жүргізуде. Келіссөз барысында екі ел арасындағы көпжоспарлы стратегиялық серіктестіктің даму перспективалары қарастырылады. Кездесу қорытындысы бойынша мемлекеттер басшылары бұқаралық ақпарат құралдарының өкілдері үшін бірлескен мәлімдеме жасайды.
Бұл шара Нұр-Сұлтан уақыты бойынша шамамен 18:00-ден кейін «Хабар24» телеарнасынан тікелей эфирде көрсетіледі", - деп жазды ол өзінің Фейсбук парақшасына.
"Адырна" ұлттық порталы
