Qazaqstan prezidentı Qasym-Jomart Toqaev Reseide kelıssözder jürgızude. Būl turaly prezidenttıŋ baspasöz hatşysy Berık Uäli jazdy.
"Bügın Mäskeude Qazaqstan Prezidentı Qasym-Jomart Toqaev pen Resei Prezidentı Vladimir Putin joǧary deŋgeide kelıssöz jürgızude. Kelıssöz barysynda ekı el arasyndaǧy köpjosparly strategiialyq serıktestıktıŋ damu perspektivalary qarastyrylady. Kezdesu qorytyndysy boiynşa memleketter basşylary būqaralyq aqparat qūraldarynyŋ ökılderı üşın bırlesken mälımdeme jasaidy.
Būl şara Nūr-Sūltan uaqyty boiynşa şamamen 18:00-den keiın «Habar24» telearnasynan tıkelei efirde körsetıledı", - dep jazdy ol özınıŋ Feisbuk paraqşasyna.
"Adyrna" ūlttyq portaly
