Владимир Путин Ресей Федерациясының Қарулы Күштерін Украинамен соғыста қызмет етудің ерекше режиміне ауыстыруды тапсырды, өйткені НАТО елдерінің өкілдері «елімізге қарсы агрессивті мәлімдемелерге жол беріп отыр» деп хабарлады Ресей президенті. Бұл туралы "Адырна" ұлттық порталы жазады.
Бұл туралы Путин Кремльде РФ Қорғаныс министрі Сергей Шойгумен және Ресей Қарулы күші бас штабының басшысы Валерий Герасимовпен кездесуінде мәлімдеді.
«Көріп отырсыздар, Батыс елдері біздің елге қатысты экономикалық салада жағымсыз әрекеттерді жасап қана қоймайды - мен заңсыз санкцияларды айтып отырмын, мұны барлығы жақсы біледі, сонымен қатар НАТО-ның жетекші елдерінің жоғары лауазымды тұлғалары да біздің елге қарсы агрессивті мәлімдемелер жасауда. Сондықтан мен Қорғаныс министрі мен Бас штаб бастығына Ресей армиясының тежеу күштерін жауынгерлік кезекшіліктің ерекше режиміне көшіруді тапсырамын», - деді Ресей президенті.
"Адырна" ұлттық порталы
