Украина президенті Зеленский Америкалық АВС телеарнасына берген сұхбатында туған елі Украина туралы ойымен бөлісті, деп жазады "Адырна" ұлттық порталы.
"Мен Украинадан кетуден бас тарттым. Қалай тастап кетемін? Елімнің азаматымын, заңды сайланған президентпін. Егер кетсем өміріме нүкте қояр едім. Тірі болармын, бірақ адам болмас едім. Жай ғана дене болар едім. Өзімді сыйламас ем.
Ең қорқыныштысы балаларыма не айтамын?
Мен кіммін?
Президент ретінде не істедім?
Конституция кепілі ретінде не істедім?Конституция кепілі деген жай сөз емес қой. Мен - халқымның кепілімін. Демек, халқыммен бірге болуым керек.
Барлығымыз бірге қорғануымыз керек.
Сондықтан мен кетпедім" деді Украина президенті.
