1 ساۋىردەن باستاپ قازاقستان رەسپۋبليكاسى ۇكىمەتى مەن كورەيا رەسپۋبليكاسى ۇكىمەتى اراسىنداعى قازاقستاندىق ازاماتتارعا قاتىستى ۆيزالىق تالاپتاردى ءوزارا جويۋ تۋرالى كەلىسىم قولدانىسىن جاڭعىرتۋ قالپىنا كەلتىرىلەدى. بۇل تۋرالى “ادىرنا” ۇلتتىق پورتالى ءسىم ءباسپاسوز قىزمەتىنە سىلتەمە جاساپ حابارلايدى.
بۇعان دەيىن وڭتۇستىك كورەيا COVID-19 پاندەمياسىنا بايلانىستى اتالعان كەلىسىمدى توقتاتقان ەدى. ەندى قازاقستان ازاماتتارى – ۇلتتىق پاسپورت يەلەرى – كورەيا رەسپۋبليكاسىنا 30 كۇننەن اسپايتىن مەرزىمگە ۆيزاسىز قايتا كىرە الادى.
كورەيا رەسپۋبليكاسىندا ەڭبەك ەتۋگە، ءبىلىم الۋعا نەمەسە وڭتۇستىك كورەيا اۋماعىندا تۇرۋ نيەتى بولعان جاعدايدا بۇل ۆيزا جارامسىز.
«بۇدان باسقا، كورەيا رەسپۋبليكاسىنا ساپار شەگەتىن ازاماتتارعا وسى ەلدە قولدانىلاتىن ەپيدەمياعا قارسى شارالار تۋرالى اقپاراتتى قازاقستان رەسپۋبليكاسىنداعى كورەيا رەسپۋبليكاسىنىڭ كونسۋلدىق مەكەمەلەرىندە الدىن الا ناقتىلاۋعا كەڭەس بەرەمىز»، – دەلىنگەن حابارلامادا.
“ادىرنا” ۇلتتىق پورتالى
