بۇگىن «AMANAT» پارتياسى جانىنداعى سىبايلاس جەمقورلىققا قارسى ءىس-قيمىل جونىندەگى رەسپۋبليكالىق كەڭەستىڭ كوشپەلى وتىرىسىندا وسى سيپاتتاعى قۇقىقبۇزۋشىلىقتارمەن كۇرەس شارالارى، پارتيانىڭ سايلاۋالدى باعدارلاماسىنىڭ ورىندالۋى سارالاندى.
كەڭەس توراعاسى، ءماجىلىس دەپۋتاتى ە.سايروۆ ەلىمىزدەگى جەمقورلىق دەرەگى كەڭ تاراعان سالالارعا شولۋ جاسادى. سونداي-اق، شىمكەنتتە سىبايلاس جەمقورلىق قۇقىق بۇزۋشىلىقتارىن الدىن الۋ باعىتىندا ماقساتتى جۇمىستار جۇرگىزىلىپ جاتقانىن اتاپ ءوتتى. ءبىلىم سالاسىنداعى اشىقتىق پەن ايقىندىقتى قامتاماسىز ەتۋ ادىستەرى ۇتىمدى ەكەنىنە توقتالدى.
قالا اكىمى عابيت سىزدىقبەكوۆ وسى سيپاتتاعى قۇقىقبۇزۋشىلىقتاردى الدىن الۋدا ناقتى جۇمىستار جۇرگىزىلىپ جاتقانىن اتاپ ءوتتى. قۇقىق قورعاۋ ورگاندارىنىڭ بىرلەسۋىمەن ءاربىر مەملەكەتتىك مەكەمەدە ماقساتتى جۇمىستار جۇرگىزىلۋدە. بۇل ءىس-شارالارعا ازاماتتىق قوعام وكىلدەرى بەلسەنە قاتىسۋدا. مەگاپوليس باسشىسى پارتيانىڭ سايلاۋالدى باعدارلاماسىن جۇزەگە اسىرۋدا قول جەتكىزىلگەن
«ماسليحاتتاعى پارتيا فراكتسياسىنىڭ 21 دەپۋتاتى باعدارلامانىڭ ناقتى تارماقتارى بويىنشا بەكىتىلگەن. 2024 جىلعا جوسپارلانعان 95 تاپسىرمانىڭ 90-ى ورىندالدى. 1,3 ميلليون شارشى مەتردەن استام تۇرعىن ءۇي پايدالانۋعا بەرىلىپ، 3 608 ادام پاتەرمەن قامتاماسىز ەتىلدى. «قامقور» وڭىرلىك باعدارلاماسى بويىنشا تاعى 347 ازامات باسپانالى بولدى. 6600 مەديتسينا قىزمەتكەرى بىلىكتىلىگىن ارتتىردى. «كەدەرگىسىز كەلەشەك» جوباسى ارقىلى 44 مىڭعا جۋىق مۇمكىندىگى شەكتەۋلى ازاماتتىڭ ءوتىنىشى وڭ شەشىمىن تاپتى. بۇل باعدارلامانىڭ تيىمدىلىگىن كورسەتەدى»، - دەدى ع. سىزدىبەكوۆ.
جالپى، شىمكەنتتە سىبايلاس جەمقورلىقتىڭ الدىن الۋ باعىتىندا وڭ ناتيجەلەرگە قول جەتكىزىلگەنى ايتىلدى. جۇيەلى جۇمىس پەن پارتيالىق باقىلاۋدىڭ ارقاسىندا بۇل قىزمەت جاڭا سەرپىن الۋدا.
