Bügın «AMANAT» partiiasy janyndaǧy Sybailas jemqorlyqqa qarsy ıs-qimyl jönındegı Respublikalyq keŋestıŋ köşpelı otyrysynda osy sipattaǧy qūqyqbūzuşylyqtarmen küres şaralary, partiianyŋ sailaualdy baǧdarlamasynyŋ oryndaluy saralandy.
Keŋes töraǧasy, Mäjılıs deputaty E.Sairov elımızdegı jemqorlyq deregı keŋ taraǧan salalarǧa şolu jasady. Sondai-aq, Şymkentte sybailas jemqorlyq qūqyq būzuşylyqtaryn aldyn alu baǧytynda maqsatty jūmystar jürgızılıp jatqanyn atap öttı. Bılım salasyndaǧy aşyqtyq pen aiqyndyqty qamtamasyz etu ädısterı ūtymdy ekenıne toqtaldy.
Qala äkımı Ǧabit Syzdyqbekov osy sipattaǧy qūqyqbūzuşylyqtardy aldyn aluda naqty jūmystar jürgızılıp jatqanyn atap öttı. Qūqyq qorǧau organdarynyŋ bırlesuımen ärbır memlekettık mekemede maqsatty jūmystar jürgızılude. Būl ıs-şaralarǧa azamattyq qoǧam ökılderı belsene qatysuda. Megapolis basşysy partiianyŋ sailaualdy baǧdarlamasyn jüzege asyruda qol jetkızılgen nätijeler turaly da baiandady.
«Mäslihattaǧy partiia fraksiiasynyŋ 21 deputaty baǧdarlamanyŋ naqty tarmaqtary boiynşa bekıtılgen. 2024 jylǧa josparlanǧan 95 tapsyrmanyŋ 90-y oryndaldy. 1,3 million şarşy metrden astam tūrǧyn üi paidalanuǧa berılıp, 3 608 adam pätermen qamtamasyz etıldı. «Qamqor» öŋırlık baǧdarlamasy boiynşa taǧy 347 azamat baspanaly boldy. 6600 medisina qyzmetkerı bılıktılıgın arttyrdy. «Kedergısız keleşek» jobasy arqyly 44 myŋǧa juyq mümkındıgı şekteulı azamattyŋ ötınışı oŋ şeşımın tapty. Būl baǧdarlamanyŋ tiımdılıgın körsetedı», - dedı Ǧ. Syzdybekov.
Jalpy, Şymkentte sybailas jemqorlyqtyŋ aldyn alu baǧytynda oŋ nätijelerge qol jetkızılgenı aityldy. Jüielı jūmys pen partiialyq baqylaudyŋ arqasynda būl qyzmet jaŋa serpın aluda.
