«AMANAT» partiiasy Ahmet Baitūrsynūlynyŋ 150 jyldyǧyna orai şyǧarmaşylyq baiqau jariialady

2489
Adyrna.kz Telegram
https://adyrna.kz/content/uploads/2022/08/f73c2aaa-c012-4358-964d-e096e651ce6e.jpeg
Aqyn-jazuşylardy, dramaturgter men balalar avtorlaryn qoldau maqsatynda «AMANAT» partiiasynyŋ bastamasymen jyl saiynǧy respublikalyq «Ūly dala» şyǧarmaşylyq baiqauy bastaldy, dep habarlaidy "Adyrna" ūlttyq portaly. Baiqau jyl saiyn «Ūlttyq mūra» partiialyq jobasy aiasynda Qazaqstan Jazuşylar odaǧymen bırlesıp ötkızıledı. 2019 jyly bastau alǧan baiqau osymen törtınşı ret ötkızılıp otyr. Baspasöz mäslihatynda partiia Hatşysy Däulet Kärıbek jurnalisterge baiqauǧa qatysudyŋ basty erekşelıkterı men şarttary turaly egjei-tegjeilı baiandap berdı.
«Dästürlı türde ūiymdastyrylyp kele jatqan «Ūly dala» baiqauynyŋ basty maqsaty – ūlttyq jäne ruhani qūndylyqtardy paş etetın bügıngı otandyq avtorlardyŋ şyǧarmalaryn qoldau jäne nasihattau. Biyl qatysuşylar şyǧarmaşylyq şeberlıgın tört nominasiia boiynşa synap köredı: «Proza», «Poeziia», «Dramaturgiia» jäne «Balalarǧa arnalǧan şyǧarma». Negızgı nominasiialardan bölek, baiqau aiasynda arnaiy syilyqtar da qarastyrylǧan. Sondai-aq qatysuşylardyŋ barlyq şyǧarmasy BAQ-ta jariialanady», – dedı partiia Hatşysy Däulet Kärıbek
Spikerdıŋ aituynşa, biyl Ahmet Baitūrsynūlynyŋ 150 jyldyǧyna, Mūhtar Äuezovtıŋ 125 jyldyǧyna orai arnaiy syilyqtar taǧaiyndalady. Sonymen qatar, «Alaş amanaty» arnaiy syilyǧy tabystalady. QR Memlekettık syilyǧynyŋ laureaty Roza Mūqanova qazırgı qazaq ädebietıne, sonyŋ ışınde jas qalamgerlerge qomaqty qoldau qajet ekenın alǧa tartty.
«Ädebiet – qoldauǧa zäru. Äsırese, ädebietke kelgen jastar qauymyn qoldau qajet. Al osyndai konkurstar talantty jastardyŋ ädebiet älemındegı betalysyn aiqyndap, şyǧarmaşylyǧyn oqyrmanǧa tanystyrady», – dedı jazuşy-dramaturg Roza Mūqanova.
Qazaqstannyŋ eŋbek sıŋırgen qairatkerı Amanjol Ältaidyŋ aituynşa, bügıngı qoǧamda körkem ädebiet airyqşa oryn alady.
«Ūly dala» şyǧarmaşylyq baiqauy – «AMANAT» partiiasynyŋ aldaǧy uaqytta jüielı türde ūlttyŋ mädenietı men önerıne qamqorşy bolatyndyǧynyŋ naqty bır dälelı. Hakım Abai aitqandai, aqyly nūrly, jüregı jyly, qairaty ystyq tolyq adam qalyptasuy üşın jastar mındettı türde körkem ädebiettıŋ uyzyn emıp ösuı kerek», dedı Mäjılıs deputaty Amanjol Ältai.
Qazaqstannyŋ eŋbek sıŋırgen qairatkerı Janarbek Äşımjan mūndai ıs-şara jas qalamgerlerdı yntalandyryp, şyǧarmaşylyǧyna tyŋ serpın beretının jetkızdı.
«Ūly dala» baiqauy – mädeniet, ruhaniiat, ädebiet baǧytyndaǧy elımızdegı eŋ ırı jobalardyŋ bırı. Qazırgı kezde proza, dramaturgiia, poeziia janrlarynda qalam tartyp jürgen asa talantty jastar bar. Al mūndai baiqaular – jastar qauymyna şalqar şabyt syilap, jaŋa şyǧarmalar jazuǧa yntalandyrady», – dedı Mäjılıs deputaty Janarbek Äşımjan.
Partiia Hatşysy Däulet Kärıbek baiqauǧa kelıp tüsken barlyq şyǧarma közıqaraqty oqyrmannyŋ nazaryna kündelıktı ūsynylyp, aşyq jariialanyp otyratynyn aitty.
«Qatysuşylarǧa qoiylatyn barlyq talaptar men baiqau barysy belgılengen ereje mätını bügın BAQ-ta, äleumettık jelılerdegı paraqşalarymyzda jäne partiianyŋ resmi saitynda jariialanady. Erejege sai kelıp tüsken şyǧarmalardy bürkenşık esımmen aikyn.kz saitynan arnaiy aşylǧan «Ūly dala» baiqauy aidarynda kündelıktı jariialap otyratyn bolamyz. Kez-kelgen qyzyǧuşylyq tanytqan adam sol jerden şyǧarmalarmen tanysa alady», – dep atap öttı partiia Hatşysy Däulet Kärıbek.
Aita ketu kerek, baiqauǧa 20-45 jas aralyǧyndaǧy avtorlar qatysa alady. Qatysuşylar 26 tamyz ben 10 qazan aralyǧynda ırıkteledı. Baiqau nätijesı 25 qazan – Respublika künı qarsaŋynda qorytyndylanyp, saltanatty ıs-şarada jariialanady.

"Adyrna" ūlttyq portaly

Pıkırler