«Jer amanaty» komissiiasynyŋ bastamasymen interaktivtı karta äzırlendı

3571
Adyrna.kz Telegram
https://adyrna.kz/content/uploads/2023/01/ebe8cbe6-a1f4-4852-af18-7c9770367802.jpeg

«AMANAT» partiiasy janyndaǧy «Jer amanaty» komissiiasynyŋ bastamasymen jerkarta.gharysh.kz geoservisı ıske qosyldy. Atalǧan servis memleket menşıgıne qaitarylǧan jer uchaskelerıne monitoring jürgızuge, onyŋ qaida ornalasqanyn, konturyn anyqtauǧa, sondai-aq audany men menşık iesı nemese jer paidalanuşysy turaly mälımetter aluǧa mümkındık beredı.

İnteraktivtı kartany Auyl şaruaşylyǧy ministrlıgı men Sifrlyq damu, innovasiialar jäne aeroǧaryş önerkäsıbı ministrlıgı äzırledı.

Prezident tapsyrmasyna säikes, elımızde paidalanylmai jatqan jäne zaŋsyz bölıngen auyl şaruaşylyǧy maqsatyndaǧy jerlerdı memleket menşıgıne qaitaru jūmysy jürgızılıp jatyr. 

Osy jūmystyŋ jüielı ıske asyryluyna qoǧamdyq baqylau jürgızu maqsatynda «AMANAT» partiiasy janynan respublikalyq jäne öŋırlık «Jer amanaty» komissiialary qūryldy.

Bügınde paidalanylmai jatqan 5,2 mln

gektar jer memleket menşıgıne qaitaryldy. Onyŋ 3 mln gektardan astamy «Jer amanaty» komissiiasynyŋ aralasuymen qaitaryldy.

Byltyr jeltoqsanda partiialyqtar ärbır auyldyq eldı mekendegı jaiylym tapşylyǧyn jäne memleket menşıgıne qaitarylǧan jer uchaskelerınıŋ tızbesın körsetetın interaktivtı karta äzırleudı ūsyndy.

Komissiianyŋ «jedel jelısıne» tūrǧyndar tarapynan 2,5 myŋnan astam ötınış kelıp tüstı. Onyŋ barlyǧy jergılıktı äkımdıktermen jäne beiındı ministrlıkpen bırlesıp mūqiiat qaraldy.

Barlyq zaŋ būzu faktılerı turaly 8 800 080 44 41 telefonyna habarlauǧa bolady. Ötınımder WhatsApp arqyly da +7 700 800 44 41 nömır boiynşa qabyldanady. 

«Jer amanaty» komissiiasynyŋ jūmysy jalǧasyp jatyr.

Pıkırler