Eldegı memlekettık mektepterde direktor lauazymyna 438 bos oryn bar. Būl turaly Premer-ministrdıŋ orynbasary – Mädeniet jäne aqparat ministrı Aida Balaeva deputattyq saualǧa bergen jauabynda mektep direktorlary arasyndaǧy kadr tapşylyǧyna qatysty statistikany jariialady, dep habarlaidy "Adyrna".
Ministrdıŋ mälımetınşe, soŋǧy üş jylda mektep direktorlarynyŋ bos oryndary kezeŋ-kezeŋımen azaiyp keledı. Mäselen, 2024 jyly – 935, al 2025 jyly – 830 bos jūmys orny tırkelgen.
"Qazırgı taŋda memlekettık mektepterde 438 direktorlyq lauazym bos tūr", – delıngen jauapta.
Kadr tapşylyǧynyŋ basym bölıgı auyldyq mektepterge tiesılı. Atap aitqanda, 385 bos oryn – auyl mektepterınde, al 53 vakansiia – qalalyq mektepterde.
Sondai-aq Aida Balaeva mektep direktorlaryn ırıkteu jäne taǧaiyndau mäselelerı öŋırlerdegı köşpelı keŋesterde qaralǧanyn atap öttı.
Osyǧan bailanysty Oqu-aǧartu ministrlıgıne şaǧyn jinaqty mektep direktorlary üşın bılıktılık talaptary men rotasiia merzımderın qaita qarau tapsyrylǧan.
Būǧan deiın memlekettık mektepter, joǧary oqu oryndary men medisinalyq ūiymdar basşylaryn konkurstyq negızde ırıkteu josparlanyp otyrǧany habarlanǧan edı.
