Bügın «Qaisar arena» stadionynda jaŋa Konstitusiiany qoldauǧa arnalǧan Open Air formatyndaǧy şara öttı. Oǧan oblys äkımı Nūrlybek Nälıbaev, «AMANAT» partiiasynyŋ hatşysy Erjan Jylqybaev, Parlament Mäjılısınıŋ deputattary Mūrat Ergeşbaev, Marhabat Jaiymbetov, Mūrat Äbenov, Maqsat Tolyqbai, Nartai Särsenǧaliev, «AMANAT» partiiasy janyndaǧy «Jastar ruhy» jastar qanatynyŋ töraǧasy, jalpyūlttyq koalisiia müşesı Aqerke İskanderova qatysty.
Aimaq basşysy memleket damuynyŋ jaŋa baǧytyn aiqyndaudaǧy Konstitusiialyq reformanyŋ maŋyzyna toqtaldy.
«Prezidentımız «Halyq Konstitusiiasynyŋ jobasy ortaq Otanymyz – Qazaqstan Respublikasynyŋ jarqyn keleşegıne berık ärı myzǧymas ırgetas bolady» dep atap öttı. Jaŋa Ata Zaŋymyz täuelsızdıgımızdı, aumaqtyq tūtastyǧymyzdy saqtaidy. Azamattarymyzdyŋ qūqyqtary men bostandyqtaryn qorǧaidy. Elımızdıŋ tynyştyǧy men tūraqtylyǧyn qamtamasyz etedı.
Būl – älemdegı ahual uşyǧyp tūrǧan uaqytta memlekettıgımızdı nyǧaitatyn maŋyzdy qadam. Täuelsızdıgımızdıŋ basty nyşany bolatyn jaŋa qūjatta Ūly Dalanyŋ myŋjyldyq tarihi sabaqtastyǧy saqtalǧan. Negızgı ideiasy retınde bılım men ǧylym, mädeniet pen innovasiia anyqtalǧan. Ädılettılık, Zaŋ men Tärtıp qaǧidattary alǧaş ret Konstitusiia deŋgeiınde bekıtılgen, bırtūtas Qazaqstan halqynyŋ barlyq maqsat-müddesı qamtylǧan.
Syndarly sätte el bolyp bırıguden asqan baqyt joq. Barşaŋyzdy Qazaqstannyŋ jarqyn bolaşaǧy üşın dauys beruge şaqyramyn! Elımız aman, halqymyz tynyş, täuelsızdıgımız mäŋgı bolǧai!» – dedı Nūrlybek Nälıbaev.
Jiynda Mäjılıs deputattary Mūrat Äbenov, Nartai Särsenǧaliev, Maqsat Tolyqbai, «Jastar Ruhy» Jastar qanatynyŋ töraǧasy Aqerke İskanderova, Qorqyt ata universitetınıŋ rektory Nauryzbai Baiqadamov, «Anaǧa taǧzym» ortalyǧynyŋ direktory Altynai Moljanova, aitysker aqyn, üş dürkın «Altyn dombyra» iegerı Mūhtar Niiazov söz söiledı.
Sahna törınde estrada jūldyzdary Mädina Säduaqasova, Qairat Nūrtas, Miras Jügınısov öner körsettı.
«Qaisar arenaǧa» jinalǧan jūrtşylyq tek qana konsert tamaşalaǧan joq, eldıŋ erteŋı turaly oi bölıstı. Öz taŋdauyn jasaudyŋ, el bolaşaǧyna üles qosudyŋ maŋyzyn ūǧyndy.
Referendum – demokratiialyq qoǧamnyŋ eŋ basty tetıkterınıŋ bırı. Sondyqtan şeşım halyq taŋdauyna süienıp qabyldanady. Bügıngı keş jauapkerşılıktı sezınetın belsendı jastardyŋ, el bolaşaǧyna beijai qaramaityn azamattardyŋ basyn qosqan erekşe kezdesu boldy.
